وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا وبلىستىق ىشكى ىستەر دەپارتامەنتىنىڭ باستىعى قايرات مۇحيتوۆ 2018 جىلدىڭ 8 ايىندا وبلىس كولەمىندە 4850 قىلمىستىق قۇقىق بۇزۋشىلىق تىركەلىپ, وتكەن جىلمەن سالىستىرعاندا 17 پايىزعا تومەندەگەندىگىن ايتتى.
- بۇگىندە 10 مىڭ حالىققا شاققانداعى قىلمىستىلىق دەڭگەيى ءبىزدىڭ وبلىسىمىزدا 93 قىلمىستى قۇرادى. بۇل كورسەتكىش بويىنشا رەسپۋبليكا كولەمىندە كريمينوگەندىك احۋال تۇراقتى, ءارى قاۋىپسىز وبلىستاردىڭ ءبىرىمىز. سونىمەن قاتار, وبلىس كولەمىندە ەسىرتكى القاپتارىن انىقتاۋ ماقساتىندا بارلىق اۋدانداردا دروندار الىنسا, دەپارتامەنتپەن الىس قاشىقتىقتان باقىلاۋ ماقساتىندا كوپ فۋنكتسيونالدى ۇشقىشسىز باسقارۋ اپپاراتى پايدالانىلىپ كەلەدى. الداعى ۋاقىتتا, «قازاقستان عارىش ساپارى» ۇلتتىق كومپانيانىڭ مۇمكىندىكتەرىن پايدالانىپ, وبلىس اۋماعىنداعى ەسىرتكى القاپتارىن عارىشتان انىقتاپ ءتۇسىرۋ جۇمىستارى جۇرگىزىلەتىن بولادى, - دەدى وبلىستىق ىشكى ىستەر دەپارتامەنتىنىڭ باستىعى قايرات مۇحيتوۆ.
سونداي-اق, جول ەرەجەسىن بۇزۋ دا ايتارلىقتاي ازايعان. جول توراپتارى كوبەيىپ, ماشينا اعىنى تولاستاماعانىنا قاراماستان جول ءتارتىبىن بۇزۋشىلاردىڭ ازايۋى پوليتسيا تاراپىنان باقىلاۋدىڭ كۇشەيتىلۋىندە بولىپ تۇر. قۇقىق بۇزۋشىلىقتىڭ جىل سايىن ازايىپ كەلە جاتقاندىعى ءتيىستى ورگانداردىڭ ءتيىمدى جۇمىس جاساۋىنىڭ ايعاعى.
باقتيار تايجان,
«ەگەمەن قازاقستان».
قىزىلوردا وبلىسى