كەشە قاراعاندى وبلىسىنداعى بالقاش قالاسىندا قازاقستان حالقى اسسامبلەياسىنىڭ جىل سايىنعى «جىبەك جولى بويىنداعى سۇحباتتار» حالىقارالىق مادەنيتانۋشىلىق جوباسىنىڭ ءىس-شارالارى باستالدى.
قۇرامىندا قازاقستان حالقى اسسامبلەياسى توراعاسىنىڭ ورىنباسارى – حاتشىلىق مەڭگەرۋشىسى لەونيد پروكوپەنكو, جازۋشى, مادەنيەتتانۋشى, قوعام قايراتكەرى مۇرات اۋەزوۆ, قازاقستان, قىرعىزستان, تاجىكستان, وزبەكستان, قىتاي جانە رەسەيدىڭ ساراپشىلارى, فيلوسوفتارى, ساياساتتانۋشىلارى, عىلىم مەن مادەنيەت قايراتكەرلەرى, قحا عىلىمي-ساراپشىلىق كەڭەسىنىڭ, كافەدرالارىنىڭ مۇشەلەرى, ەتنومادەني بىرلەستىكتەردىڭ وكىلدەرى, ستۋدەنتتەر, قحا-نىڭ «جاڭعىرۋ جولى» جاستار قوزعالىسىنىڭ مۇشەلەرى, باق وكىلدەرى بار دەلەگاتسيا بالقاشتىڭ ماڭىنداعى بەكتاۋاتا شاتقالىنداعى « ۇلى دالا وركەنيەتى» ەتنواۋىلىنا بارىپ, « ۇلى دالا ەلىنىڭ قاسيەتتى مۇراسى» رەسپۋبليكالىق تاريحي-ەكولوگيالىق اكتسياسى شەڭبەرىندە قازاقستاننىڭ حالىق اقىنى جانە كومپوزيتور شاشۋباي قوشقارباەۆتىڭ كەسەنەسىنە گۇل شوقتارىن قويدى.
بۇدان كەيىن م.حامزين اتىنداعى مادەنيەت سارايىندا جاستارعا ارنالعان مادەني-تانىمدىق «رۋحاني جاڭعىرۋ» كوۆوركينگ-ورتالىعىنىڭ سالتاناتتى اشىلۋ ءراسىمى بولاى. ال كەشكە تامان شىعارماشىل جاستاردىڭ «بالقاش كۇزى» I فەستيۆالى ءوتتى.
بۇگىن بالقاش قالاسىنداعى م.حامزين اتىنداعى مادەنيەت سارايىندا «جىبەك جولى بويىنداعى سۇحباتتار-2018: ۇلى جىبەك جولى – تاريح جانە قازىرگى زامان» حالىقارالىق كونفەرەنتسياسى وتەدى.
كونفەرەنتسيا بارىسىندا قاتىسۋشىلار ۇلى جىبەك جولىنىڭ داستۇرلەرىن جالعاستىرۋعا بايلانىستى ءوز ويلارىمەن بولىسەدى, سونداي-اق ونىڭ جالپىمادەني قۇندىلىقتاردى, ەتنوسارالىق جانە كونفەسسياارالىق تولەرانتتىلىقتى قالىپتاستىرۋداعى ءرولىن تالقىلايدى.
قايرات ءابىلدا,
«ەگەمەن قازاقستان»
قاراعاندى وبلىسى,
بالقاش قالاسى