پرەمەر-ءمينيستردىڭ ورىنباسارى اسقار مامين قىتاي كومپانيالارى باسشىلارىمەن قاراعان قازاقستان-قىتاي ينۆەستيتسيالىق جوبالاردىڭ اراسىندا قوستاناي وبلىسىندا جۇزەگە اسىرىلاتىن ءۇش جوبا بار. ولار: قوستاناي قالاسىنداعى يندۋستريالىق ايماقتا سالىناتىن تەلەديدار ءوندىرىسى زاۋىتىنىڭ قۇرىلىسى; قوستاناي وبلىسىندا YTO ماركالى تراكتورىن شىعارۋ (HKC Corporation Limited); قوستاناي وبلىسىندا اۋىل شارۋاشىلىعى ماقساتىنداعى جەردى تەرەڭ وڭدەۋ(توو «BioGrain»).
ۇكىمەتتىك دەلەگاتسيا قۇرامىندا قوستاناي وبلىسى اكىمىنىڭ ورىنباسارى مەيىرجان مىرزاليەۆ بولدى. قىتايداعى كەزدەسۋلەردە HKC Corporation Limited كومپانياسىنىڭ جەتەكشىسى لي دجين قوستاناي ءوڭىرى ينۆەستورلارعا قولايلى جاعداي بار, گەوگرافيالىق جاعىنان دا قولايلى ەكەنىن ايتتى. تەلەديدار شىعاراتىن زاۋىتتىڭ العاشقى ساتىسى 50 ملن. دوللاردى قۇرايدى, بىتكەن سوڭ جىلىنا 3 ملن دانا كوگىلدىر ەكران وندىرەتىن بولادى. 500 جۇمىس ورنىن قۇرامىز دەپ ۋادە ەتىپ وتىر. ءونىم تمد ەلدەرىنە ەكسپورتقا شىعارىلادى. تەلەديدارلاردى وسى جىلدان باستاپ شىعارا باستاۋ ,جوبانى جۇزەگە اسىرۋ جونىندە تاراپتار جول كارتاسىن جاساۋ كەلىسىمىنە قول قويدى.
قوستاناي قالاسىنداعى يندۋستريالىق ايماققا تراكتور زاۋىتىن سالۋ ءسوز بولدى. قازىر جوبانى جۇزەگە اسىرۋدىڭ جول كارتاسى قول قويۋعا دايىندالىپ جاتىر. جوسپارداعى ءۇش جوبا دا قازاقستاندىق 51 قىتاي ينۆەستيتسيالىق جوباسىنىڭ قۇرامىنا كىرەتىن بولادى. ونى ء«بىر بەلدىك – ءبىر جول!» جانە «نۇرلى جەر» قورلارى قولدايتىن بولادى.
ءنازيرا جارىمبەت,
«ەگەمەن قازاقستان»
قوستاناي