الماتى قالاسىندا قازاقستان مۇسىلماندارى باسقارماسىنىڭ ۇيىمداستىرۋىمەن «زەكەت» قورىن دامىتۋ جانە باعىت-باعدار بەرۋ» تاقىرىبىندا القالى جيىن ءوتتى. نايب ءمۇفتي باۋىرجان ەسماحاننىڭ توراعالىعىمەن وتكەن بۇل شاراعا ەلىمىزدىڭ بارلىق وڭىرلەرىندەگى «زەكەت» قورى وكىلدەرى قاتىستى.
بۇگىندە «زەكەت» قورى اسىل دىنىمىزدەگى قايىرىمدىلىق ماسەلەنى ۇتىمدى شەشۋگە تىرىسىپ وتىرعان بىردەن ءبىر ۇيىم بولىپ تابىلادى. سوڭعى جىلدارى اتالعان قور ىزگىلىك پەن مەيىرىمدىلىك ماقساتقا ەرەكشە كوڭىل ءبولىپ, از قامتىلعان جاندارعا كوبىرەك نازار اۋدارادى.
نايب ءمۇفتي ءوز سوزىندە وسى جايلارعا جان-جاقتى توقتالدى. الدا «زەكەت» قورىن زامان تالابىنا ساي دامىتۋ اسا قاجەت ەكەنىن اتاپ كورسەتتى.
قمدب-نىڭ اقمولا وبلىسى بويىنشا وكىلى, ناۋان حازىرەت مەشىتىنىڭ باس يمامى قۋانىش ءسابيت ءسوز الىپ, وڭىردەگى تۇشىمدى ىستەردى تىلگە تيەك ەتتى. ءبىر جاعىنان, بۇل شاراعا ول ءوز تاجىريبەسىمەن ءبولىسۋ ءۇشىن شاقىرتۋ العان ەدى. اقمولا وبلىستىق وكىلدىگى «زەكەت» قورى كوپ شارۋالاردى تىندىردى. اتاپ ايتساق, بيىلدىڭ وزىندە قايىرىمدىلىق اكتسياسى ارقىلى ەكى وتباسىعا پاتەر كىلتتەرىن تابىس ەتتى. بۇل رەسپۋبليكا مەشىتتەرىندە قولعا الىنباعان تىڭ باستاما ەدى. الدا بۇل اكتسيا جالعاسىن تاپپاق. قۋانىش ءسابيت بارشانىڭ نازارىن وسىعان اۋدارا كەلە, ءبارى ىنتا-ىقىلاسقا بايلانىستى ەكەنىن باسا ايتتى.
اقمولالىقتاردىڭ قايىرىمدىلىق جۇمىستارى جوعارى باعاعا يە بولدى. نايب ءمۇفتيدىڭ قولىنان وبلىسىمىزدىڭ باس يمامى قۋانىش ءسابيت جانە «زەكەت» قورىنىڭ جاۋاپتى وكىلى ەربولات ءشارىپوۆ العىس حات الىپ, قۋانىشپەن ورالدى.
بايقال ءبايادىل,
«ەگەمەن قازاقستان»
اقمولا وبلىسى.