قوعامدىق ورىندار مەن كوشەدەگى قىلمىستاردىڭ الدىن-الۋ, تۇرعىنداردىڭ كوشەدە ءجۇرىپ تۇرۋ قاۋىپسىزدىگىن قامتاماسىز ەتۋ ماقساتىندا اعىمداعى جىلدىڭ تامىز ايىنىڭ 10-نان باستاپ «اقمەشىت», «مەرەي», «شۇعىلا», «اراي», «ۋنيۆەرسام», «تيتوۆ» مولتەك اۋدانىندا, تەمىرجول ۆوكزالى, پانفيلوۆ, بەكتۇرعانوۆ, قازانتاەۆ, توقماعامبەتوۆ, اۋەلبەكوۆ, تولىبەكوۆ, تورايعىروۆ, ساعىمباەۆ كوشەلەرىندەگى كوپ قاباتتى ۇيلەردىڭ اۋلالارىنا جاياۋ باعىتتار شىعارىلۋدا, دەپ حابارلايدى قىزىلوردا ءوىىد ءباسپاسوز قىزمەتى.
كۇندەلىكتى قوعامدىق ءتارتىپتى قامتاماسىز ەتۋ ءۇشىن وبلىس ورتالىعىنىڭ كوشەلەرىندە ۇلتتىق گۆارديانىڭ سولداتتارىمەن بىرلەسىپ 160 قىزمەتكەردەن تۇراتىن 58 جاياۋ باعىتتار جانە 42 پاترۋلدىك اۆتوماشينالار كەزەكشىلىك اتقارادى.
جەرگىلىكتى پوليتسيا قىزمەتىنىڭ نەگىزگى باعىتتارىنىڭ ءبىرى قىلمىستىلىقتىڭ الدىن الۋ, قوعامدىق قاۋىپسىزدىكتى قامتاماسىز ەتۋ بولىپ نەگىزدەلگەن. وسى باعىتتا اتقارىلعان جۇمىستاردىڭ ناتيجەسىندە وبلىس كولەمىندە جالپى قىلمىستىلىقتىڭ دەڭگەيى - 17,3 پايىزعا, ونىڭ ىشىندە, قوعامدىق ورىنداردا جاسالعان قىلمىستار - 6,0, كوشەلەردە - 8,6, ماس كۇيىندە جاسالعان -12,2 پايىزعا ازايدى.
جاياۋ باعىتتاردى شىعارۋ ناتيجەسىندە قازىرگى تاڭدا تۇرعىنداردان «102»-گە تۇسەتىن حابارلامالار سانى دا ازايۋدا.
تالداۋ كورسەتكەندەي, شىلدە ايىندا ازاماتتاردان 25 437 ارىز-شاعىمدار تىركەلسە, تامىز ايىندا ولاردىڭ سانى 17 517 قۇراپ, اتقارىلعان جۇمىستار ناتيجەسىندە ارىز-شاعىمداردىڭ سانى ازايدى.
سونىمەن قاتار, قىزىلوردا قالالىق ىشكى ىستەر باسقارماسىنىڭ جەرگىلىكتى پوليتسيا قىزمەتى جول-پاترۋلدىك پوليتسيا قىزمەتكەرلەرىمەن شىلدە ايىندا قر اقبتك-ءنىڭ 440-بابىمەن ۋاقىتشا بەيىمدەۋ ورتالىعىنا 364 قۇقىق بۇزۋشى جەتكىزىلسە, جاياۋ باعىتتىڭ شىعۋ كومەگىمەن تامىز ايىندا 680 قۇقىق بۇزۋشى جەتكىزىلدى.
جاياۋ باعىتتاردىڭ تىكەلەي قاتىسۋىمەن 18 قىلمىستىڭ بەتى ءىزى سۋىماي اشىلدى. ماسەلەن, 2018 جىلدىڭ 21 تامىزىندا اراي مولتەك اۋدانىندا ورنالاسقان كافەنىڭ جانىندا جاياۋ پاترۋلدەرمەن تاسبوگەت پوليتسيا بولىمشەسىنە قازاقستان رەسپۋبليكاسىنىڭ قىلمىستىق كودەكسىنىڭ 188- بابىنىڭ 1-بولىگى بويىنشا ۇرلىق جاساعانى ءۇشىن ەكى ازامات ۇستالدى. سونداي-اق, اعىمداعى جىلدىڭ تامىز ايىنىڭ 27-ءى مەن قىركۇيەك ايىنىڭ 5-ءى كۇندەرى ارالىعىندا وبلىس كولەمىندە وتكەن ء«جاسوسپىرىم» جەدەل-پروفيلاكتيكالىق شاراسى بارىسىندا 10 كۇن ىشىندە تۇنگى ۋاقىتتا (تۇنگى 23:00-دەن تاڭعى ساعات 06:00-عا دەيىن) زاڭدى وكىلىنسىز جۇرگەن 115 جەتكىنشەك كامەلەتكە تولماعانداردى بەيىمدەۋ ورتالىعىنا جەتكىزىلدى. ءتارتىپ ساقشىلارى ولاردىڭ اتا-انالارىمەن تۇسىندىرمە جۇمىستارىن جۇرگىزدى.
قىزىلوردا ءوىىد قالا تۇرعىندارىن قاراپايىم ساقتىق شارالارىن ساقتاپ, قانداي دا ءبىر قۇقىق بۇزۋشىلىق جاسالعان جاعدايدا تەز ارادا «102» تەلەفونى ارقىلى پوليتسياعا حابار بەرۋىن سۇرايدى.