تارازدىق 7 ادامنىڭ, ونىڭ ىشىندە 5 قۇقىق قورعاۋ قىزمەتكەرىنىڭ ءومىرىن قيعان قاندى وقيعادان بەرى 40 كۇن ءوتتى. وسىعان وراي وبلىس جانە قالا اكىمدەرى ق.بوزىمباەۆ پەن ب.ورىنبەكوۆ قوعام تىنىشتىعىن ساقتاۋ ماقساتىندا ەرلىكپەن قازا تاپقان 5 بوزداقتىڭ وتباسىلارىن جاڭا پاتەرلەرمەن قامتاماسىز ەتتى.
پاتەردىڭ كىلتتەرى مەن جاڭا باسپانانىڭ «كورىمدىگى» رەتىندە تارتۋ ەتىلگەن تەلەديدارلاردى قازا تاپقان ءتارتىپ ساقشىلارىنىڭ جۇبايلارى گ.تاجيەۆا, د. سىمەتىلدا, م. يۋسۋپوۆا, ۆ. ۆلاسوۆا جانە گ.حاليەۆا قابىلداپ الدى.
سونداي-اق, وبلىستىق ءىىد باسشىلارى «حالىق قاھارمانى» گ. بايتاسوۆ پەن 3-دارەجەلى «ايبىن» وردەنىنىڭ يەگەرلەرى اتانعان پولات ايانقۇلوۆ پەن جاقسىبەك بايسەيىتوۆكە جەكە قۇرام مەن ەلىمىزدەگى ىزگى جۇرەكتى جانداردىڭ ارنايى ەسەپشوتقا اۋدارعان قارجىلاي كومەگىن دە تابىس ەتتى.
كوسەمالى ساتتىباي ۇلى,
جامبىل وبلىسى.