قازاقستان مەن وزبەكستان ايەلدەرى: دوستىق نىعايا بەرەدى

تاشكەنت – ءبىزدىڭ داۋىرىمىزگە دەيىنگى II-I عاسىرلاردا بوي كوتەرگەن ورتالىق ازيانىڭ كونە شاھارلارىنىڭ ءبىرى. بۇل ولكە ءار جىلداردا ارقالاي اتالىپ كەلدى. ماسەلەن, شاش-تەپا, چاچ-تەپا, ال قىتاي دەرەككوزدەرىندە شي, چجەشي, يۋەشي دەگەن اتاۋلار كەزدەسەدى. قالا XI عاسىردان بەرى «تاس قالا» دەگەن ماعىناداعى تاشكەنت اتاۋىمەن تانىمال. 2009 جىلى شاھار ءوزىنىڭ 2200 جىلدىق مەرەيتويىن اتاپ ءوتتى. بۇگىندە زاماناۋي تاشكەنت وزبەكستاننىڭ استاناسى بولا وتىرىپ, تەك وز­بەك ەلىنىڭ عانا ەمەس, ورتالىق ازيا­نىڭ 3 ملن-عا جۋىق ادام تۇراتىن ءىرى مەگاپوليسىنە اينالدى.

وزبەكستان – يندۋستريالىق-اگرارلىق ەل. الەم بويىنشا ءۇشىنشى ءىرى ماقتا ەكسپورتتاۋشى, التىن مەن تابيعي گاز جەتكىزۋشى, سونداي-اق ول مۇناي حيمياسى بۇيىمدارى مەن اۋىل شارۋاشىلىعىنا ارنالعان ماشينالار مەن جەكە كولىكتەر وندىرەدى.

 ەلدە بارلىعى 32,6 ملن-نان استام ادام ءومىر ءسۇرىپ جاتىر جانە ونىڭ 50%-دان كوبى اۋىلدىق جەرلەردە تۇرادى. اگرارلىق سەكتور نەگىزىنەن ماقتا ءوسىرۋ مەن مال وسىرۋگە مامانداندىرىلعان, سونداي-اق كۇرىش, ءجۇزىم, باقشا ونىمدەرى, كوكونىس ەگۋ ءىسى دامىعان.

وزبەكستان – بىزبەن باۋىرلاس ەل, وڭىردەگى ماڭىزدى ساياسي جانە ەكونوميكالىق سەرىكتەس. حالىقتارىمىزدىڭ قارىم-قاتىناسىنىڭ تامىرى باعزى عاسىرلار تەرەڭىنەن جالعاسىپ جاتىر جانە ورتاق تاريح پەن اتا-بابالارىمىزدىڭ باي رۋحاني مۇراسى ارقىلى بەكي تۇسۋدە.

بيىلعى ناۋرىز ايىندا ەلى­مىزدەگى وزبەكستان جىلىنىڭ اشى­لۋ راسىمىندە قازاقستان پرە­زيدەنتى نۇرسۇلتان نازارباەۆ بىلاي دەدى: «ورتالىق ازيا – ادامزات وركەنيەتىنىڭ بايتاق تاريحى, ءتولتۋما مادەني مۇراسى بار كونە بەسىگىنىڭ ءبىرى. ءبىز ورتاق قۇن­دىلىقتاردى, دۇنيەتانىمداعى ورتاق باسىمدىقتاردى جانە ءومىر­دى ءتۇسىنۋ جۇيەسىن ساقتاپ قالدىق. وسى مەرەكە بىرلىگىمىزدىڭ, رۋحاني وزەكتەستىگىمىزدىڭ جانە سان عا­سىرلىق دوستىعىمىزدىڭ ودان ءارى نىعايا تۇسۋىنە قىزمەت ەتە بەرسىن».

مەملەكەت باسشىسى, سونداي-اق ءبىزدىڭ ەلدە وزبەكستان جىلىنىڭ اشىلۋىنىڭ قازاق-وزبەك دوستىعى مەن تاتۋ كورشىلەستىگىنىڭ بەلگىسى عانا ەمەس, بۇكىل ءوڭىردىڭ سەرىك­تەستىگىنىڭ نىعايۋى مەن مادە­ني-وركەنيەتتىك تۇرعىدان جاقىن­داسۋىنا سۇبەلى ۇلەس قوساتىن وقيعا رەتىندە ايرىقشا ءماندى ەكەنىن اتاپ ءوتتى.

ماڭىزدى شەشىمدەر قابىل­دانىپ, كەلىسىمدەر جاسالاتىن ەكىجاقتى بيزنەس-فورۋمدار وت­كىزۋ يگى داستۇرگە اينالدى. بۇل ساۋدا-ەكونوميكالىق ءوزارا ءىس-ارەكەتتىڭ تەرەڭدەۋى مەن ساۋدا اي­نالىمىنىڭ ۇلعايۋىنا سەپتىگىن تيگىزىپ كەلەدى. ءوسىم 2018 جىلدىڭ ءبىرىنشى جارتى جىلدىعىنىڭ وزىندە 1,137 ملرد اقش دوللارىنا, ياعني 52,5%-كە جەتتى. قا­زاقستان بۇرىن-سوڭدى بىردە-ءبىر شەتەلدىك ساۋدا سەرىكتەستەرىمەن ارادا مۇنداي قارىشتى وسىمگە قول جەتكىزىپ كورگەن ەمەس.

بيزنەس-فورۋمعا ەكى ەلدىڭ دە كاسىپكەر ايەلدەرى قاتىستى. قا­زاق­ستان دەلەگاتسياسى قۇرامى­نا قازاقستان پرەزيدەنتى جانىن­دا­عى ايەلدەر ىستەرى جانە وتبا­سى­لىق-دەموگرافيالىق ساياسات جونىندەگى ۇلتتىق كوميسسيا مۇ­شەلەرى, پارلامەنت دەپۋتات­تارى, مەملەكەتتىك ورگاندار­دىڭ, «اتامەكەن» ۇكپ, سون­داي-اق كاسىپكەر ايەلدەر قوعامداس­تى­عىنىڭ وكىلدەرى كىردى.

فورۋمدا ءسوز سويلەگەن مەم­لەكەتتىك حاتشى گ.ابدىقالىقوۆا ايەلدەردىڭ ەكونوميكالىق تۇر­عىدان ىلگەرىلەۋى مەن مۇمكىن­دىك­تەرىنىڭ كەڭەيتىلۋى ايرىقشا وزەكتى بولا تۇسەتىن ءتورتىنشى ونەركاسىپتىك رەۆوليۋتسيا جاعدايىندا ادامي كاپيتال ساپاسىن ارتتىرۋ ماسەلەلەرىنىڭ الدىڭعى قاتارعا شىعارىلاتىنىنا توقتالدى.

قازاقستاندا دەموكراتيالىق قوعام قۇرۋدىڭ نەگىزگى باعىتىنىڭ ءبىرى گەندەرلىك ۇيلەسىمگە قول جەت­كىزۋ بولىپ سانالادى. تاۋەل­سىزدىك جىلدارىندا ەلەۋلى ناتيجەلەر ەڭسەرىلدى.

الەمدەگى ەڭ دامىعان 30 مەم­لە­كەتتىڭ قاتارىنا قوسىلۋ ماقسا­تىمەن ءۇشىنشى جاڭعىرۋ جۇزەگە اسىرىلۋدا, ونىڭ اياسىندا ساياسي, ەكونوميكالىق جانە رۋ­حاني جاڭارۋ ۇدەرىستەرى ءجۇرىپ جاتىر. ۇلت جوسپارى, پرەزيدەنت­تىڭ الەۋمەتتىك بەس باستاماسى قا­بىل­دانىپ, «رۋحاني جاڭعىرۋ», «تسيفرلى قازاقستان» باعدارلاما­لارى ىسكە اسىرىلۋدا. وسى مىن­دەتتەردى ورىنداۋعا ايەلدەر قوعامداستىعى بەلسەنە اتسالىسىپ وتىر.

ەل پرەزيدەنتى جانىنان 20 جىل بۇرىن ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا قۇرىلدى.

ەلىمىزدە گەندەرلىك باعىتتاعى «ەرلەر مەن ايەلدەردىڭ تەڭ قۇقىعى مەن تەڭ مۇمكىندىكتەرىنە بەرىلەتىن مەملەكەتتىك كەپىلدىكتەر تۋرالى», «تۇرمىستىق سيپاتتاعى زورلىق-زومبىلىقتىڭ الدىن الۋ تۋرالى» اتتى ەكى زاڭ قولدانىلادى.

قازاقستان رەسپۋبليكاسىنداعى 2030 جىلعا دەيىنگى وتباسىلىق جانە گەندەرلىك ساياسات تۇجى­رىم­داماسى جۇزەگە اسىرىلۋدا, وعان بۇۇ-نىڭ ايەلدەرگە قاتىستى كەم­سىتۋشىلىكتىڭ بارلىق ءتۇرىن جويۋ تۋرالى كونۆەنتسياسىنىڭ بەي­جىڭ دەكلاراتسياسى مەن ءىس-ارەكەت پلاتفورماسىنىڭ, ورنىقتى دامۋ ماقساتتارىنىڭ ەرەجەلەرى نەگىز بولدى.

مەمحاتشى ساياساتتاعى ايەل­­دەر وكىلەتتىگىندەگى ءبىزدىڭ جەتىس­تىك­تەرىمىزدى اتاپ ءوتتى. 34 ايەل – پار­لامەنت دەپۋتاتى, ياعني دە­پۋتات­تاردىڭ جالپى سانىنىڭ 22%-ءىن قۇرايدى. قارقىندى تۇردە ايەلدەر كاسىپكەرلىگى سەكتورى قا­لىپتاستى. شاعىن جانە ورتا بيز­نەس سۋبەكتىلەرىنىڭ 44,2%-ءىن ايەلدەر باسقارادى. ال كورپو­راتيۆتىك سەكتوردا باسشى ايەل­دەردىڭ وكىلەتتىگى 34%-كە جۋىق. مىنا سالالارداعى ايەلدەر ۇلەسى ارتىپ كەلەدى: اقپارات جانە بايلانىستا – 50%-تەن اسادى, ونەركاسىپتە – 30%-تەن جوعارى, قۇرىلىستا – 20%-تەن ارتىق.

ايەلدەر بيزنەسىن دامىتۋ مەم­لەكەتتىك باعدارلامالار ارقىلى دا, حالىقارالىق قارجى ينستي­تۋتتارىنىڭ ارناسى ارقىلى دا ىسكە اسىرىلىپ جاتىر. ماسەلەن, «بيزنەستىڭ جول كارتاسى – 2020» اياسىندا 2018 جىلى ايەلدەر كاسىپكەرلىگىندەگى 244 جوبا نەمەسە جالپى سانىنىڭ 34%-ىنە سۋبسيديا بەرىلدى.

ايەلدەر كاسىپكەرلىگىنە شاعىن نەسيە بەرۋ باعدارلاماسىن 2010 جىلدان بەرى «دامۋ» قورى جۇزەگە اسىرىپ كەلەدى. بۇگىنگە دەيىن 1,5 مىڭنان استام زاەمشىعا 14 ملرد تەڭگەگە جۋىق قاراجات ءبولىندى.

«قازاگرو» حولدينگى اۋىلداعى كاسىپكەر ايەلدەرگە قولداۋ كور­سەتىپ وتىر. ولارعا 2017 جىلى قۇنى 30 ملرد تەڭگەدەن اساتىن 5 مىڭعا جۋىق كرەديت بەرىلدى.

حالىقارالىق قارجى ۇيىم­دارىنا قاتىستى ايتساق, مىسالى, ۇكىمەت پەن ەۋروپا قايتا قۇرۋ جانە دامۋ بانكى (ەقدب) اراسىنداعى كەلىسىم شەڭبەرىندە «بيزنەستەگى ايەل» باعدارلاماسى جۇزەگە اسىرىلۋدا. ەقدب ەكىنشى دەڭگەيلى بانكتەر ءۇشىن جالپى قۇنى 41 ملن اقش دوللارى كو­لەمىندە كرەديت جەلىسىن قامتا­ماسىز ەتتى, بۇل رەتتە تەك ايەل­دەر باسقاراتىن جانە ەڭبەك ەتە­تىن ايەلدەر سانى 50%-تەن كەم ەمەس كا­سىپ­ورىندارعا عانا نەسيە بەرىلۋدە.

جالپى, بۇل باعدارلامالاردىڭ بارلىعى ءبىزدىڭ ايەلدەر ۇيىمداس­تىرىپ وتىرعان بيزنەستى ودان ءارى دامىتۋعا سەپتىگىن تيگىزەدى.

بايلانىسىمىزدى ودان ءارى تەرەڭدەتە ءتۇسۋ ءۇشىن ءتۋريزمنىڭ ماڭىزى ەرەكشە, ول ەكونوميكالىق قاتىناستاردى نىعايتۋعا, نەگى­زىنەن ايەلدەر كوبىرەك ەڭبەك ەتەتىن الەۋمەتتىك-مادەني سالاداعى ىن­تىماقتاستىقتى دامىتۋعا سەپتىگىن تيگىزبەك.

مەملەكەتتىك حاتشى وزبەك­ستاننان ءبىزدىڭ ەلگە تۋريستەر لە­گى­نىڭ كوبى استانا, الماتى, شىم­بۇلاق, بۋراباي, بالقاش جانە الا­كولگە كەلەتىنىن ايتتى. قازاق­ستاندىقتار تاشكەنت, سامارقان, بۇحارا مەن حيۋاعا ءجيى بارادى.

ءسوزىنىڭ سوڭىندا مەملەكەتتىك حاتشى تومەندەگىدەي ماسەلەلەرگە نازار اۋدارتتى.

ءبىرىنشى. كاسىپكەر ايەلدەر اراسىنداعى ىسكەرلىك بايلانىستار اياسىن ودان ءارى كەڭەيتۋ. جۇيەلى تۇردە وتكىزىلەتىن ەلارا­لىق بيزنەس-فورۋمدار, شەكارالاس اۋماقتاردىڭ ايەلدەرىنىڭ وڭىرلىك فورۋمدارى ىسكەرلىك بايلانىستاردى ورىستەتۋدىڭ پار­مەن­دى پلاتفورماسىنا اينالا الار ەدى.

ەكىنشى. ينكليۋزيۆتى ساۋدانى, اسىرەسە تسيفرلى تەحنولوگيالارعا باسا ءمان بەرە وتىرىپ دامىتۋ. بۇل قادام مەملەكەتتەر باسشىلارى قويعان ورتاق ماقساتقا – ءوزارا ساۋدا كولەمىن 2020 جىلعا قاراي 5 ملرد دوللارعا جەتكىزۋگە سەپتىگىن تيگىزەدى.

ءۇشىنشى. ءتۋريزمدى جان-جاقتى دامىتۋ, ول اشىقتىقتى ارتتىرىپ, قىزمەت كورسەتۋ سالاسىندا ءوزارا ءتيىمدى پايدا اكەلەدى.

بيزنەس-فورۋم اياسىندا, سون­داي-اق قازاقستان رەسپۋب­لي­كاسى پرەزيدەنتى جانىنداعى ايەل­دەر ىستەرى جانە وتباسىلىق-دەموگرافيالىق ساياسات جونىن­دەگى ۇلتتىق كوميسسيا مەن وز­بەك­­ستان ايەلدەرى كوميتەتى ارا­­سىن­داعى ىنتىماقتاستىق تۋرالى مەموراندۋمعا قول قويىل­دى. ول قوعامدىق-ساياسي, الەۋ­مەت­تىك-ەكونوميكالىق سالالار­دا ايەلدەردىڭ قۇقىعى مەن مۇم­كىن­دىكتەرىن كەڭەيتۋ ىسىندەگى ىنتى­ماق­تاستىقتى دامىتۋعا, رۋحاني-ادامگەرشىلىك تاربيەنى ىلگەرى­لەتۋگە, وتباسى ينستيتۋتىن نى­عايتۋعا, انا مەن بالانى قورعاۋعا جانە ت.ب. باعىتتالعان.

فورۋمدا قازاقستانداعى ايەل­دەر كاسىپكەرلىگىنىڭ نەگىزگى با­عىت­تارى مەن پەرسپەكتيۆالارى تۋرا­لى قازاقستان رەسپۋبليكاسى «اتا­مەكەن» ۇلتتىق كاسىپكەرلەر پالا­تاسىنىڭ ىسكەر ايەلدەر كەڭەسىنىڭ ءتورايىمى ءلاززات رامازانوۆا ايتىپ بەردى. ول «اتامەكەن» ۇكپ ءوز ءىسىن جاڭا باستاعان جانە جۇرگىزىپ كەلە جاتقان كاسىپكەر ايەلدەرگە ىسكەر ايەلدەر كەڭەسى ارقىلى ءتۇرلى قولداۋ كورسەتەتىنىن اتاپ ءوتتى. 2018 جىلى ايەلدەر كاسىپكەرلىگىن دامىتۋدىڭ 3 ستراتەگيالىق باعىتتاعى جاڭا كەزەڭى جاريا ەتىلدى: قارجىعا جەڭىلدىكتەرمەن شاعىن نەسيە بەرۋ باعدارلاماسى ارقىلى قول جەتكىزۋدى قامتاماسىز ەتۋ; ءبىلىم بەرۋ باعدارلامالارىن ىسكە قوسۋ جانە شاعىن نەسيە بەرۋ ەسەبىنەن جۇزەگە اسىرىلاتىن بيزنەس-جوبالاردى قولداۋ; ايەلدەردىڭ كووپەراتيۆتىك كاسىپكەرلىگىن ءوزىن-ءوزى رەتتەيتىن ۇيىمدار مەن كووپەراتيۆتەر قۇرۋ ارقىلى دامىتۋ.

«قازاقستاننىڭ ىسكەر ايەلدەرى قاۋىمداستىعى» رەسپۋبليكالىق قوعامدىق بىرلەستىگىنىڭ پرە­زي­دەنتى راۋشان سارسەمباەۆا قازاق­ستانداعى ايەلدەردىڭ ەكونو­مي­كالىق مۇمكىندىكتەرىن ىلگەرىلەتۋ تاجىريبەسىن ورتاعا سالدى. 2018 جىلى 1,2 ملن جەكە كاسىپكەر تىركەلگەن, ونىڭ 560,9 مىڭىن ايەلدەر باسقارادى.

مادەنيەت جانە سپورت مي­نيس­ترلىگىنىڭ يندۋستريا جانە تۋريزم كوميتەتىنىڭ ءتورايىمى ماينۇر مۇرزاماديەۆا بىزگە ەلىمىزدەگى تۋريستىك يندۋستريانىڭ دامۋى جونىندە اقپارات بەردى. بۇگىندە سالانى ينستيتۋتتاندىرۋعا, تۋريزمگە ينۆەستيتسيا سالۋدى مەملەكەتتىك قولداۋعا, سەرۆيس پەن قىزمەت كورسەتۋ ساپاسىنىڭ الەمدىك ستاندارتتارىن ەنگىزۋگە, باسىمدىعى بار تۋريستىك اۋ­ماقتار قالىپتاستىرۋعا باعىت­تالعان قازاقستانداعى ءتۋريزمدى دامىتۋدىڭ مەملەكەتتىك باع­دار­لاماسى ازىرلەنۋدە.

جىبەك جولى باعدارلارى بو­يىنشا ءوزارا ۆيزالىق رەجىمدى مويىنداۋ ماسەلەلەرىن زەرتتەۋ وزبەكستانمەن بىرلەسكەن «جاڭا جىبەك جولى» تۋريستىك ءونىمىن ءتيىمدى تۇردە ىلگەرىلەتۋ جولىنداعى ماڭىزدى قادام بولىپ سانالادى. وسى ماقساتتا «جىبەك جولى» تۋريستىك ونىمدەرى بويىمەن جۇرەتىن شەتەلدىك تۋريستەردىڭ قازاقستان-وزبەكستان شەكاراسىنان ءوتۋىن جەڭىلدەتۋ ءۇشىن ءوزارا ۆيزالىق رەجىمدى مويىنداۋ تۋرالى كەلىسىمگە قول قويۋ جونىندە جۇمىس جۇرگىزىلۋدە.

وزبەكستان تاراپىنان وز­بەكستان رەسپۋبليكاسىنىڭ ءتۋريزمدى دامىتۋ جونىندەگى مەملە­كەتتىك كوميتەتى توراعاسىنىڭ ورىنباسارى, وزبەكستان ايەل­دەرى كوميتەتىنىڭ,«وزبەكستيلونەر­كا­سىپ» قاۋىمداستىعى, وزبەكستان ساۋ­دا-ونەركاسىپ پالاتاسى, وزبەك­ستان ىسكەر ايەلدەر قاۋىم­داس­تىعى وكىلدەرى ءسوز سويلەدى. ولار وزبەكستاننىڭ ەكونومي­كالىق تۇراقتىلىعىنا ەلدەگى ايەل­دەر­دىڭ يننوۆاتسيالىق ءىس-ارەكە­تىنىڭ ىق­پالى, كاسىپكەرلىك تۋرا­لى زاڭ­نا­مانى ازىرلەۋدەگى وزبەك­ستان ساۋ­دا-ونەركاسىپ پالاتا­سى­نىڭ ءرولى, وزبەكستاننىڭ تۋريستىك الەۋەتى جانە ت.ب. جونىندە اڭگىمەلەدى.

وزبەكستان رەسپۋبليكاسى قو­عامنىڭ ساياسي, الەۋمەتتىك-ەكو­نوميكالىق جانە مادەني سالالارىندا ايەلدەردىڭ جاعدايىن جاقسارتۋ باعىتىندا ەلەۋلى قادامدار جاساپ جاتىر. وسى ماقساتپەن وزبەكستان ايەلدەرى كوميتەتى قۇرىلعان.

قۇقىق قورعاۋ ورگاندارى قۇ­رىلىمىندا ادام قۇقىعىن قورعاۋ جونىندەگى ارناۋلى بولىمشەلەر اشىلعان, ايەلدەر قۇقىعى ماسە­لەلەرىن قامتاماسىز ەتۋ دە سو­لاردىڭ مىندەتىنە كىرەدى.

وتباسىلىق قۇندىلىقتار مەن سالت-ءداستۇر باعىتى بويىن­شا ىرگەلى, قولدانبالى جانە يننو­ۆاتسيالىق زەرتتەۋلەر جۇرگىزۋ ءۇشىن وزبەكستان ۇكىمەتى جانىنان عىلىمي-پراكتيكالىق زەرتتەۋ ورتالىعى اشىلعان.

بۇگىندە وزبەكستاندا ايەل­دەر­دى ىلگەرىلەتۋ, ولاردىڭ قۇقى­عىن قورعاۋ, كاسىپكەرلىككە تارتۋ, مەملەكەت پەن قوعامداعى باس­قارۋ ىسىندەگى ولاردىڭ ءرولىن كۇ­شەيتۋ, وتباسى نەگىزدەرىن ودان ءارى نىعايتۋ باعىتىندا جۇيەلى جۇ­مىس جۇرگىزىلۋدە.

وزبەكستاندا ەكونوميكا سەك­تورىنىڭ باسىمدىعى بار باعى­تىنىڭ ءبىرى توقىما ونەركاسىبى بولىپ سانالادى, ايەلدەردىڭ كوپشىلىگى سوندا ەڭبەك ەتەدى.

سوندىقتان قازاقستان دەلە­گا­تسياسى فورۋم اياسىندا «UZTEX TASHKENT» توقىما كاسىپور­نىنىڭ جۇمىسىمەن تانىستى, ول جىلىنا 6 مىڭ تونناعا دەيىنگى مولشەردە ءونىم (يىرىل­گەن ءجىپتىڭ 3 ءتۇرىن) وندىرەدى. كاسىپ­­ورىندا شۆەيتساريا, جاپو­نيا, گەر­مانيا سياقتى دامىعان ەلدەر­دىڭ قۇرىلعىلارى ورناتىل­عان. زەرتحانالار ساپانى باقى­لايتىن جاڭا تەحنولوگيامەن جاب­دىقتالعان, بۇل وندىرىلەتىن ءونىمنىڭ دەڭگەيى جوعارى بولۋىنا كەپىلدىك بەرەدى. ەڭبەككەرلەر سانى 350 ادامنان اسادى. ەكسپورت شىعارىلاتىن نەگىزگى ەلدەر: رە­سەي, قىتاي, تۇركيا, كورەيا, پول­شا, يتاليا.

سونىمەن قاتار فورۋم اياسىندا ەكى ەلدىڭ كاسىپكەر ايەلدەرىنىڭ قاتىسۋىمەن كووپەراتسيالىق بيرجا وتكىزىلدى. ولار وزدەرىنىڭ يننوۆاتسيالىق بيزنەس-جوبالارىن تانىستىردى, وزىق تاجىريبەلەرىن ورتاعا سالدى.

بيرجا قورىتىندىسى بويىنشا قازاقستاننىڭ اقتوبە, جامبىل, قوستاناي جانە ت.ب. وڭىرلەرى مەن وزبەكستان كاسىپكەر ايەلدەرى اراسىنداعى ىنتىماقتاستىق ورناتۋ نيەتى تۋرالى 15 كەلىسىم جاسالدى.

فورۋم ايەلدەردىڭ بيزنەس قوعامداستىقتارى اراسىنداعى ديالوگتى ىلگەرىلەتۋ ىسىنە, حالىق­تارىمىز اراسىنداعى جان-جاقتى ىنتىماقتاستىق پەن دوستىقتى دامىتۋعا ماڭىزدى ۇلەس قوستى.

قازاق حالقىنىڭ ۇلى تۇلعاسى تولە ءبيدىڭ سوزىمەن ايتقاندا: «بى­رىك­پەي – باق قونىپ, ىرىس تول­ماس».

جالپى, مەملەكەتتىك حاتشى گ.ابدىقالىقوۆانىڭ وزبەكستانعا جۇمىس ساپارى ايەلدەردىڭ قوعام­دىق-ساياسي جانە الەۋمەتتىك-ەكو­نو­ميكالىق سالالارداعى ءرولىن ارتتىرۋ مەن مۇمكىندىكتەرىن كەڭەي­تۋ سالاسىندا ەكىجاقتى باي­لا­نىستى تەرەڭدەتۋ, ەكى ەلدىڭ دە بيز­نەس قوعامداستىقتارى اراسىندا كا­سىپكەرلىكتى, سونداي-اق ءتۋريزمدى دامىتۋ جولىنداعى ەلەۋلى بەلەس­كە اينالدى.

مايراش كوزجانوۆا,

مەملەكەتتىك حاتشىنىڭ حاتشىلىعى مەڭگەرۋشىسىنىڭ ورىنباسارى

استانا – تاشكەنت – استانا