شارشى الاڭدا – «شالدار»

جارىستىڭ باس تورەشىسى ۆيكتور بەسپياتوۆتىڭ ايتۋىنشا, شارشى الاڭدا قول­عاپ تۇيىستىرەتىن بوكسشىلارعا ۇلت­تىق قۇراماعا مۇشە بولماۋ, دەنساۋلىعىنىڭ جارامدى­لى­ع­ى, جاس مولشەرىنىڭ شەكتەۋ­لىگى سەكىلدى بىرقاتار شارت-تالاپ­تار قويىلعان. بەس سالماق دارە­جەسىندە جان الىپ, جان بەرىسكەن باسەكەدە جۇرت كۇتپەگەن نەبىر كورىنىستەر ورىن الدى. اتاپ ايت­قاندا, جۇلدەلى ءۇشىنشى ورىن ءۇشىن قىرعىزستاننىڭ 54 جاستاعى وكىلى ابدەلاحاد تۋردىوگلى مەن 36 جاستاعى باتىسقازاقستاندىق اسىلبەك سارمالاەۆ شارشى الاڭعا كوتەرىلدى. سوڭعىسى ەكى راۋند بويى باستىرمالاتىپ, ءبىراز سوققى جاساپ تا ۇلگەردى. الايدا اب­دەلاحاد كوكەمىز ءتىس قاققان شەبەر ەكەن, كۇش-قۋاتىن, ايلا-ءتاسىلىن سوڭىنا ساقتاعان بولۋ كەرەك, قارسىلاسىنان جەڭىستى ج ۇلىپ اكەتتى.

پەتروپاۆلدىق رۋستام جا­قىپوۆ پاۆلودارلىق اسىلبەك قالىقوۆتى تازا جەڭىپ, 64 كيلو سالماق بويىنشا العاشقى «رينگ كورولى» اتاندى. وسىدان 17 جىل بۇرىن بوكس قولعاپتارىن شەگەگە ىلگەن قاراعاندىلىق قۋانىش يسەمباەۆ جارىسقا جاقسى دايىندىقپەن كەلگەن ەكەن. مىقتى قارسىلاسىن تىزە بۇكتىرىپ, 75 كيلو سالماقتا تەڭدەسسىز شەبەر ەكەنىن تانىتتى. 81 كيلو سالماقتا تۇركى­ستان وبلىسىنىڭ وكىلى قاسىم­حان وسپانوۆتىڭ جولى بولدى. 91 كيلو سالماقتا سىنعا تۇس­كەن ەكىباستۇزدىق ءادىل اساۋ­بەكوۆ جەڭىستى ۋىسىنان شى­عارما­دى. اسا اۋىر سالماقتا پەترو­پاۆلدىق اندرەي بەيسەمباەۆ پەن ومبىلىق سايران سمايىلوۆ قولعاپ ءتۇيىستىردى. الاڭ يەسى وتكەن جىلى اقتىق سايىستا سۇرىنگەن بولاتىن. بۇل جولى ءسال-ءپال باسىمدىلىقپەن اششى جەڭىلىستىڭ ەسەسىن قايتاردى.

جەڭىمپازدار مەن جۇلدە­گەر­لەرگە اقشالاي سىياقىلار بەرىلىپ, باسقا دا ماراپاتتار كورسەتىلدى. قىزىلجار جەرىندە ەلىمىز بويىنشا تۇڭعىش رەت ۇيىمداستىرىلعان حالىقارا­لىق «رينگ كورولى» ءتۋرنيرى وبلىس­تىق اكىمدىكتىڭ قولداۋىمەن وت­كىزىلىپ, داستۇرگە اينالدىرۋدى سپورت جانە دەنەشىنىقتىرۋ باس­قارماسى ءوز مىندەتىنە الدى.

ءومىر ەسقالي,

«ەگەمەن قازاقستان»

سولتۇستىك قازاقستان وبلىسى