ۇلىدان ۇلاعات – ۇرپاققا امانات

ءاربىر ادام جەكە تاريح. كەزىن­دە الەمدىك رەكورد ورنات­قان ىبىراي جاقاەۆ, مالشى­لاردىڭ مارشالى اتانعان جا­زىل­بەك قۋانىشباەۆ, داڭقتى قىزىل­شاشى ءمارزيا يبراگي­موۆا سياقتى قانشاما ەڭبەك ەرلەرى قازاق توپىراعىنان شىق­تى. سونىمەن قاتار, اعادىل سۋحام­باەۆ, باۋبەك بۇلقىشەۆ, ابدوللا جۇماعاليەۆ سىندى تالاي بوزداق وتان ءۇشىن وت كەشتى.

تاريحي تۇلعالار ۇمىتىل­ماۋى ءتيىس. قازاقتىڭ ءاربىر ولكەسى قاسيەتتى, قاستەرلى. الايدا ءاربىر ءوڭىردىڭ وزىندىك ەرەكشەلىگىن تانىتاتىن دەرەكتەر بولادى. ماسەلەن, جامبىل وبلىسىنىڭ تالاس اۋدانىنان كەزىندە 2 كەڭەس وداعىنىڭ باتىرى مەن 59 سوتسيا­ليستىك ەڭبەك ەرى شىقتى. ءبارى دە كەزىندە تالاستىڭ كولحوزدارىندا ەڭبەك ەتىپ, قازاقتىڭ ەجەلگى كاسىبى مال شارۋاشىلىعىن دامىتۋعا ۇلەس قوسقان ازاماتتار. ولاردىڭ اراسىندا ەكىنشى دۇنيەجۇزىلىك سوعىس كەزىندە 1943 جىلى لوەۆونىڭ وڭتۇستىك-باتىس جاعىنداعى 138,6 مەتر بيىكتىككە الدىمەن جەتىپ, توبەسىنە تۋ تىككەن ءسادۋ شاكىروۆ, 708 ساۋلىقتىڭ ءار جۇزىنەن 115-تەن ءتول العان يمانبەك امانكەلديەۆ, ءۇشارال اۋىلىنداعى فەرما بويىنشا ءاربىر ءجۇز انالىقتان 113-تەن ءتول الىپ, قاراكول ەلتىرىسىنىڭ سەكسەن بەس پروتسەنتىن ءبىرىنشى سورتقا جەتكىزگەن ءابدىر ساعىنتاەۆ, ءار ءجۇز انالىق باستان 112-دەن ءتول العان قاسىم سامبەتوۆ جانە وزگە دە ەڭبەك ەرلەرى مەن كەڭەس وداعىنىڭ باتىرلارى بار.

بۇگىندە تالاس اۋدانىنىڭ ور­­­تا­­لىعى قاراتاۋ قالاسىندا, اۋدان­­­­­دىق اكىمدىكتىڭ قارسى ال­دىن­­­دا وسى­ناۋ ازاماتتاردىڭ بار­لى­­­­عى­­­­نىڭ دا جەكەلەگەن بيۋس­تەرى ور­­­نا­­تىلىپ, ەسىمدەرى جازىل­­­عان. ال ونىڭ جانىندا ۇل­بيكە اقىن اتىنداعى مادە­نيەت ءۇيى ور­نا­لاس­قان. اۋدان اكىمى دوس­ما­حان­بەت اليەۆ ۇلى­لار­دىڭ ۇلا­عاتى ءار­دايىم حالقى­نىڭ جادىن­دا ەكەنىن ايتادى. « ۇلىدان ۇلاعات – ۇرپاققا امانات. بىزدەر ءاردايىم تالاستان شىققان تارلانداردى قادىرلەيمىز. سونى­مەن قاتار بۇل اللەيا ۇرپاقتار سا­باق­­­تاس­­­تىعىنا دا جول اشادى», دەيدى ول.

حاميت ەسامان,

«ەگەمەن قازاقستان»

جامبىل وبلىسى