كۇرشىم كوگىندە قىران سامعادى

ايتا كەتەيىك, اۋقىم­­دى جارىس­تى وبلىستىق دەنە شىنىقتىرۋ جانە سپورت باسقارماسى مەن كۇر­شىم اۋدانىنىڭ اكىمدىگى ۇيىم­داستىردى. ءدۇبىرلى دوداعا وسكەمەننەن, زايسان, ۇلان جانە ۇلكەن نارىن اۋداندارىنان ەڭ ۇزدىك دەگەن قۇس­بەگىلەر جينالدى. سايىس­­قا ۇزىن سانى 25 بۇركىت پەن 6 يتەلگى قاتىستى.

قىران قۇس كوككە سامعاپ بارىپ, تومەن شۇيىلگەندە جي­نال­عان جۇرتتىڭ قيقۋى كۇشەيەدى. تومەندە جورتقان قويانعا دا جان كەرەك, جالتاق­تاي قاشادى. تەگەۋرىنى كۇنگە ش­اعىلىسىپ, وتكىر جانارى جىلت ەتكەن تىشقاندى باي­قايتىن بۇركىت ورعي قاشقان قوياندى قويسىن با؟ كەشە جاۋعان ۇلپا قاردىڭ بەتىنەن ىلە جونەلەدى. 

ناتيجەسىندە, ۇلان اۋدا­نى­­نىڭ نامىسىن قورعاعان گور­­كي ناجيتبان جەڭىم­پاز اتا­نىپ, 1-ورىندى يەلەن­دى. 2-ورىن زايسان قا­لا­­سىنان كەلگەن اقىنبەك تو­لەپ­­بەرگەنگە بۇيىر­دى. ال 3-ورىن­دى كىشكەنتاي بۇر­كىتشى قىز ايزەرە ناجيتبان قان­جىعاسىنا بايلادى. قۇسبەگىلەر بۇركىت سالۋ عانا ەمەس, قولعا شاقىرۋ جانە شى­عارعا سالۋدان دا جوعارى شەبەرلىك كورسەتتى.

ال يتەلگى ۇشىرۋدان وسكە­­مەننەن كەلگەن سامعات ەردانا التىن جۇلدە يەلەندى. 2-ورىن كۇرشىم اۋدا­نى­نىڭ بۇركىتشىسى ايدوس جاندى­كەەۆكە بەرىلدى. 3-ورىندى زايسان قالاسىنان كەل­گەن تولەپبەرگەن بوران­باي ەنشىلەدى. بارلىق جەڭىم­پازدار مەن جۇلدەگەرلەر ءتيىس­تى دارە­جەدەگى مەدالدارمەن جانە گراموتالارمەن ماراپاتتالدى.

رەسپۋبليكالىق «قۇس­بەگىلىك» فەدەراتسياسىنىڭ رەگ­لامەنتى­نە ساي وتكەن بۇل تۋرنير وڭىردەگى ساياتشىلىق ونەرىن جاڭعىرتۋ­دىڭ جار­قىن ۇلگىسى بولدى. شارادا قاتىسۋشىلاردىڭ قاۋىپ­سىز­دىگىنە باسا نازار اۋدارىلىپ, مەديتسينالىق قىزمەت پەن جول پوليتسياسىنىڭ سۇيە­مەلدەۋى تولىق قامتاماسىز ەتىلدى. توپ­تەرەك اۋىلىنداعى بۇل دودا ۇلت­تىق رۋحتى اسقاق­تاتىپ, وسكەلەڭ ۇرپاقتى اتا كاسىپكە باۋلۋدا ما­ڭىزدى ءرول اتقاردى.

شىعىس قازاقستان وبلىسى,

كۇرشىم اۋدانى