قولدارىنا ءتۇرلى-ءتۇستى شار ۇستاپ, ەرەكشە كوڭىل-كۇيمەن قالانىڭ قاق ورتاسىنداعى رەسپۋبليكا الاڭىنا جينالعان حالىقتى وبلىس اكىمى دانيال احمەتوۆ مەرەكەمەن قۇتتىقتاپ, لەبىزىن جەتكىزدى.
«1995 جىلعى 30 تامىزداعى جالپى حالىقتىق رەفەرەندۋمنان كەيىن قابىلدانعان نەگىزگى زاڭىمىز ەلىمىزدىڭ دامۋىنا تىڭ سەرپىن بەردى. اتا زاڭىمىز تاۋەلسىزدىكتىڭ ەلەڭ-الاڭ شاعىندا دەموكراتيالىق قوعامنىڭ دامۋىنا بەرىك نەگىز بولدى. ارينە, بۇل رەتتە ەلباسى نۇرسۇلتان نازارباەۆتىڭ ەرەن ەڭبەگىن اتاپ وتپەسكە بولمايدى», دەدى ايماق باسشىسى.
بۇل كۇنى ورتالىق الاڭدا بۇلدىرشىندەر قۇرمەتىنە ءارتۇرلى ويىن الاڭدارى جۇمىس ىستەدى. سونىمەن قاتار ءارتۇرلى پرومواكتسيالار, سپورتتىق سايىستار ۇيىمداستىرىلدى. مەرەكەگە كەلگەن جۇرت وبلىس اكىمىنىڭ سيمفونيالىق وركەسترى مەن بايجىگىت اتىنداعى ۇلتتىق اسپاپتار وركەسترىنىڭ جانە «ينكورو» ۆوكالدىق توبىنىڭ ونەرىن تاماشالاپ, اۋىل شارۋاشىلىق جارمەڭكەسىنەن ازىق-ت ۇلىك ونىمدەرىن ساتىپ الدى.
دوستىق ۇيىندە «مەكتەپكە - جول» اكتسياسى اياسىندا الەۋمەتتىك تۇرعىدان از قامتىلعان بالعىندارعا وقۋ قۇرالدارى تاراتىلدى.
بۇگىن وبلىس ورتالىعىندا مەرەكەگە وراي 100-گە جۋىق ءىس-شارا جوسپارلانىپتى.
مەرەكەلىك شارالار شاھاردىڭ ءار اۋماعىندا ءالى دە جالعاسىپ جاتىر.
ازامات قاسىم,
«ەگەمەن قازاقستان»
وسكەمەن