پرەزيدەنت نۇرسۇلتان نازارباەۆتىڭ قازاقستاننىڭ يادرولىق مۇرادان باس تارتۋ تۋرالى شەشىمى حالىقارالىق قاۋىمداستىققا يادرولىق قارۋسىز الەمگە قول جەتكىزۋگە بولاتىنىن كورە الۋعا كومەكتەستى. بۇل تۋرالى سىرتقى ىستەر ءمينيسترى قايرات ءابدىراحمانوۆ استاناداعى يادرولىق سىناقتارعا جاپپاي تىيىم سالۋ تۋرالى شارتتى ۇيىمىنىڭ «وتكەندى ەسكە الىپ, بولاشاققا بەتتەۋ» اتتى حالىقارالىق كونفەرەنتسياسىنىڭ اشىلۋ سالتاناتىندا اتاپ ءوتتى.
«جاھاندىق قاۋىپسىزدىك پەن بولاشاق ۇرپاق ءۇشىن سەنىمدى كەلەشەككە قاراۋ كەپىلدىگى الەمنىڭ تولىعىمەن يادرولىق قارۋدان بوساۋى جاعدايىندا عانا بولۋى مۇمكىن. قازاقستان مەملەكەتتەردىڭ ۇلتتىق قاۋىپسىزدىگىن ىنتىماقتاستىق جانە ءوزارا سەنىم جولىمەن قولداۋعا بولاتىنىنا نىق سەنىمدى» - دەپ, ق. ءابدىراحمانوۆ باياندادى. مينيستر ءتيىستى ۇكىمەتتەر مەن پارلامەنتتەردى ياسجتشۇ-عا قول قويۋعا جانە ونى راتيفيكاتسيالاۋعا شاقىردى.
بەسكۇندىك كونفەرەنتسيا استانادا جاستار توبىنىڭ جانە ياسجتشۇ بەدەلدى قايراتكەرلەرى توپتارىن جينادى. ءىس-شارا قازاقستان پرەزيدەنتى ن.ءا. نازارباەۆتىڭ باستاماسى بويىنشا بۇۇ باس اسسامبلەياسى جاريالاعان يادرولىق سىناقتارعا قارسى ءىس-قيمىلدىڭ حالىقارالىق كۇنىنە ارنالدى. كونفەرەنتسيا قاتىسۋشىلارى يادرولىق سىناقتار قۇرباندارىن ءبىر مينۋت ۇنسىزدىكپەن ەسكە الدى. كونفەرەنتسيا بارىسىندا ق. ءابدىراحمانوۆ پەن ياسجتشۇ اتقارۋشى حاتشىسى لاسسينا زەربو 29 تامىزدا ياسجتشۇ كۇشىنە ەنۋدىڭ اينىماستىعىن اتاپ ءوتىپ, بىرلەسكەن مالىمدەمە قابىلداندى.
«قازاقستان ءۇشىن وسى كۇن سەمەي پوليگونىنداعى يادرولىق سىناقتاردىڭ قايعىلى سالدارىن ەسكە الۋ ءۇشىن عانا ەمەس, سونىمەن قاتار يادرولىق قاۋىپتەن ەركىن بولاشاقتى قۇرۋ ماقساتىندا, پىكىرلەس مەملەكەتتەردىڭ, ازاماتتىق قوعام وكىلدەرىن جانە جەكەلەگەن تۇلعالاردىڭ كۇش-جىگەرلەرىن بىرىكتىرۋ ءۇشىن اتاپ وتىلەدى» - دەدى مينيستر. ول ءبىر جىل بۇرىن, 29 تامىزدا استانادا عالىمداردىڭ بەيبىتشىلىك ءۇشىن پاگۋوش كونفەرەنتسياسى وتكەنىن, سونداي-اق ماگاتە تومەن بايىتىلعان ۋران بانكى ىسكە قوسىلعانىن ەسكە سالدى. اعىمداعى جىلدىڭ 6 قىركۇيەگىندە بۇۇ باس اسسامبلەياسى 29 تامىز كۇنىنە ارنالعان جوعارى دەڭگەيدەگى ءبىرىنشى كەزدەسۋگە جينالادى.
«قازاقستان پرەزيدەنتىنىڭ سەمەي يادرولىق پوليگونىن جابۋ تۋرالى تاريحي شەشىمى دالەلدى ساياسي جولداۋ بولدى, ناتيجەسىندە ول 1996 جىلى ياسجتشۇ قابىلداۋ بويىنشا حالىقارالىق كۇش-جىگەرگە جاردەمدەستى. وتكەن جىلداردا قازاقستان ياسجتشۇ-عا جاقسى قولداۋ كورسەتىپ, ونىڭ ماقساتتارىنا قول جەتكىزۋىندەگى تاباندىلىقتى كورسەتە ءبىلدى. قازاقستان الەمدە يادرولىق سىناقتارعا رەسمي تىيىم سالعان عانا ەمەس, سونىمەن قاتار كولەمى بويىنشا يادرولىق قارۋدىڭ ءتورتىنشى ارسەنالىنان باس تارتقان ءبىرىنشى مەملەكەت بولدى» - دەپ, ءسىم باسشىسى اتاپ ءوتتى.
قازاقستان جالپى ماقساتتارعا قول جەتكىزۋ ءۇشىن بارلىق دەڭگەيلەردە, سونىڭ ىشىندە ازاماتتىق قوعاممەن بەلسەندى جۇمىس جاساۋعا مۇددەلى. وسى جۇمىس 2012 جىلى ىسكە قوسىلعان اتوم حالىقارالىق جوباسىمەن (AbolishTestingisOurMission – ءبىزدىڭ ميسسيا – سىناقتاردى بولدىرماۋ) ءوزارا ءىس-قيمىل جاساۋدان قۇرالادى. مينيستر بارلىقتارىن يادرولىق سىناقتارعا ماڭگىلىك تىيىم سالۋعا ۇندەيتىن اتوم جوباسىنىڭ ونلاين-پەتيتسياسىنا قول قويۋعا شاقىردى.
«تاعى دا ءبىر قادام رەتىندە ءبىز مەملەكەتتەردى يادرولىق قارۋعا تىيىم سالۋ تۋرالى شارتتى قولداۋى تۋرالى مالىمدەۋگە شاقىرامىز. قازاقستان 2018 جىلعى 2 ناۋرىزدا قۇجاتقا قول قويىپ, قازىرگى ۋاقىتتا ونى راتيفيكاتسيالاۋعا دايىندالۋدا», - دەپ, ۆەدومستۆو باسشىسى حابارلادى.
مينيستر كورەيا ارالىق سامميتتەن جانە اقش پەن قحدر اراسىنداعى العاشقى كەزدەسۋدەن باستالعان كورەيا تۇبەگىمەن بايلانىستى سوڭعى وقيعالار, تۇبەكتى تولىعىمەن دەنۋكلەاريزاتسيالاۋعا اكەلەتىنىنە سەنىم ءبىلدىردى. «الەمنىڭ وسى بولىگىندەگى جاعىمدى وزگەرىستەر ياسجتشۇ ءۇشىن ۇلكەن سەرپىن بولا الادى جانە قازاقستان, ءوزىنىڭ يادرولىق قارۋدان باس تارتۋدىڭ, اسكەري ينفراقۇرىلىمدى جويۋ مەن تۇراقتى جانە وركەندەيتىن بولاشاقتى تاڭداۋدىڭ بىرەگەي تاجىريبەسىن ەسكەرە وتىرا, قولداۋ كورسەتۋگە دايىن» - دەدى, ق. ءابدىراحمانوۆ.
ياسجتشۇ استاناداعى كونفەرەنتسياسىنا “Nuclear Threat Initiative” ۆيتسە-توراعاسى دەسموند براۋن, ياسجتشۇ بۇرىنعى اتقارۋشى حاتشىسى ۆولفگانگ حوففمان, بۇۇ قارۋسىزداندىرۋ ماسەلەلەرى جونىندەگى بۇرىنعى جوعارعى وكىلى انگەلا كەين, جاپونيانىڭ اتوم ەنەرگياسى كوميسسياسىنىڭ ۆيتسە-توراعاسى نوبۋياسۋابە, بۇۇ قارۋسىزداندىرۋ ماسەلەلەرى جونىندەگى بۇرىنعى جوعارعى وكىلى سەرحيو دۋارتە سەكىلدى ۇيىمنىڭ بەدەلدى قايراتكەرلەرى توبىنىڭ وكىلدەرى جانە باسقالارى قاتىسادى.