«استانا» ۆەلوكومانداسى «يسپانيا ۆۋەلتاسىندا» ءبىرىنشى ورىنعا شىقتى

21 كەزەڭنەن تۇراتىن «يسپانيا ۆۋەلتاسىنىڭ» ءتورتىنشى كەزەڭى تارتىستى ءوتتى. قازاقستاندىق ۆەلوشاباندوز ۇزاق ۋاقىت بويى پەلوتوننان ءبولىنىپ شىققان جۇيرىكتەر قاتارىندا كەلىپ, ارتىنشا شابۋىلعا كوشتى. وسى ارقىلى نيكيتا ستالنوۆ, كينگ جانە دجەللە ۆاللەيستەن قۇرالعان كوشباسشىلار ۇشتىگى ەرەكشە كوزگە ءتۇستى. سوڭعى كەزەڭدە ۆاللەيس ستالنوۆ پەن كينگكە ىلەسە الماي, قالىپ قويدى.

«شىنى كەرەك, بار كۇشىمدى جۇمسادىم, قولىمنان كەلگەنىن ىستەدىم, وكىنبەيمىن. وسى كەزەڭدە جەڭىسكە جەتكىم كەلىپ ەدى, مەن جەڭىسكە جاقىن كەلدىم, جاقسى جارىسا الدىم دەپ ويلايمىن. سوڭعى تاۋعا ورلەپ شىعۋ قيىنعا سوقتى. مەن ەرتەرەك شابۋىلعا شىقپاق بولعانمىن, بىراق سوڭعى شاقىرىمداردا سوڭعى كۇشىمدى جۇمساپ جاتقانىمدى سەزدىم. دەگەنمەن, وسى ناتيجەگە قاناعاتتانامىن, بۇل مەنى «ۆۋەلتانىڭ» كەلەسى كەزەڭدەرىنە جىگەرلەندىرەدى», دەيدى نيكيتا ستالنوۆ.

پولشالىق ميحال كۆياتكوۆسكي جالپى ەسەپتىڭ قىزىل جەيدەسىن وزىندە ساقتاپ قالدى, قازاقستاندىق كوماندانىڭ كاپيتانى ميگەل انحەل لوپەس 14-ورىنعا كوتەرىلدى (+0.46). «استانا» «ۆۋەلتانىڭ» جالپىكوماندالىق ەسەبىندە ءبىرىنشى ورىنعا شىعىپ الدى.

ەسكە سالا كەتەيىك, جارىس 25 تامىزدان 16 قىركۇيەككە دەيىنگى ارالىقتا يسپانيا جانە اندوررادا وتەدى.