ونكولوگيالىق اۋرۋلاردى ەرتە انىقتاۋدىڭ مۇمكىندىگى ارتتى

پەت – يادرولىق مەديتسيناداعى قازىرگى زامانعى جوعارى تەحنولوگيالىق دياگنوستيكالاۋ ءادىسى. اتالعان قۇرىلعى ارقىلى دياگنوز انىقتاۋ ورتا ازيا كولەمىندە العاش رەت ءبىزدىڭ ەلدە, ناقتىراق ايتقاندا وسى رەسپۋبليكالىق دياگنوستيكالىق ورتالىقتا 2010 جىلدان باستالعان بولاتىن. ورتالىق ماماندارى ەكىنشى اپپاراتتىڭ اكەلىنۋى جۇمىستى ەكى ەسەگە دەيىن ارتتىراتىنىن ايتادى.

«پەت ارقىلى بىزقاتەرلى ىسىكتىڭ العاشقى ساتىسىن مولەكۋلا دەڭگەيىندە انىقتاپ قانا قويماي, دارىگەرلەردىڭ دۇرىس ەم تاعايىنداۋعا دا كومەكتەسە الامىز. جاسالعان ەمنىڭ اسەرىن باقىلاۋ دا وسى اپپارات ارقىلى جۇزەگە اسادى. جاڭا تەحنولوگيانىڭ تاعى ءبىر ەرەكشەلىگى – ءبىر ۋاقىتتا كومپيۋتەرلىك توموگرافيا (كت) جانە پوزيتروندى ەميسسيالىق توموگرافيا (پەت) سياقتى ەكى ءتۇرلى زەرتتەۋ جۇرگىزە الامىز. وسى ارقىلى كارديولوگيا سالاسىندا ميوكاردتاعى زات الماسۋ اۋىتقۋشىلىعىن ناقتىلاۋعا بولسا, بۇل ءادىستى دارىگەرلەر ەپيلەپسيا وشاعىن انىقتاۋعا دا كەڭىنەن قولدانادى»,دەيدى «ردو» اق راديويزوتوپتىق دياگنوستيكا ءبولiمiنiڭ مەڭگەرۋشiسi عاليا رىسقۇلوۆا.

سونداي-اق بۇل اپپارات سوڭعى بۋىنداعى, جەتىلدىرىلگەن ەڭ وزىق ءتۇرى بولىپ, 64 كەسىندىلىك كومپيۋتەرلىك توموگرافياسى ادام اعزاسىن بارىنشا ءجىتى زەرتتەيدى. جاڭا باعدارلاماسى سابيدەن باستاپ ەرەسەكتەرگە دەيىنگى بارلىق ادامداردى سالماعىن ەسەپكە الا وتىرىپ, سكانەرلەيدى جانە الدىڭعىسىمەن سالىستىرعاندا زەرتتەۋ از ۋاقىت ىشىندە جاسالادى. ءارى اپپاراتتى باسقارۋ دا قيىن ەمەس ەكەنىن ايتادى ماماندار. «بىزدە جاڭا قۇرىلعىمەن جۇمىس جاسايتىن 6 دارىگەر بار. بارلىعىمىز گەرمانيا, يزرايل, اقش, انگليا سياقتى ەلدەردەن وقىپ كەلدىك. ءۇش جىلدا ءبىر رەت بىلىكتىلىكتى ارتتىرۋعا بارىپ وتىرمامىز», دەيدىع.رىسقۇلوۆا

مامانداردىڭ ايتۋىنشا, «UMC» كورپوراتيۆتىك قورىنىڭ رەسپۋبليكالىق دياگنوستيكالىق ورتالىعىندا ناۋقاستاردىڭ 95%-دان استامى زەرتتەۋدىڭ بۇل تۇرىنەن كەپىلدىك بەرىلگەن مەديتسينالىق قىزمەت اياسىندا تەگىن وتەدى. اقىلى نەگىزدە زەرتتەۋدىڭ قۇنى – 235 700 تەڭگە. ونى قازاقستاندىقتاردان بولەك, كوبىنەسە الىس-جاقىن شەتەلدەردەن كەلگەن ەمدەلۋشىلەر پايدالانا الادى.

مايگۇل سۇلتان,

«ەگەمەن قازاقستان»