قورعانىس ۆەدومستۆوسىنىڭ باسشىسى نۇرلان ەرمەكباەۆ قاراعاندى جانە ساران قالالارى, اقتاس پەن سپاسسك كەنتتەرىندە ورنالاسقان قاراعاندى گارنيزونىنىڭ اسكەري بولىمدەرىنە جۇمىس ساپارىمەن باردى, دەپ حابارلايدى قورعانىس مينيسترلىگىنىڭ ءباسپاسوز قىزمەتى.
جۇمىس بارىسىندا قورعانىس ءمينيسترى جاۋىنگەرلىك دايارلىقتىڭ بارىسىمەن, اسكەري گارنيزوننىڭ ينفراقۇرىلىمىمەن تانىستى. قورعانىس ۆەدومستۆوسىنىڭ باسشىسىنا قارۋ-جاراق پەن اسكەري تەحنيكانىڭ زاماناۋي ۇلگىلەرى, قارۋلى كۇشتەرى ارنايى ماقساتتاعى بولىمشەلەردىڭ جاۋىنگەرلىك دايارلىعى كورسەتىلدى.
جۇمىس ساپارىنىڭ قورىتىندىسى بويىنشا نۇرلان ەرمەكباەۆ جاۋىنگەرلىك ازىرلىك ماسەلەلەرىن ودان ءارى ارتتىرۋ جانە اسكەري قىزمەتشىلەردىڭ الەۋمەتتىك-تۇرمىستىق جاعدايلارىن جاقسارتۋ بويىنشا اسكەري بولىمدەر مەن بولىمشەلەردىڭ قولباسشىلىعىنا بىرقاتار ناقتى تاپسىرمالار بەردى.