«بولاشاققا باعدار: رۋحاني جاڭعىرۋ» باعدارلاماسى اياسىندا بەسقاراعاي اۋدانىنىڭ قۇرىلعانىنا 90 جىل تولۋىنا وراي «ۇزدىك كىتاپحاناشى - 2018» اۋداندىق كىتاپحاناشىلار سايىسى ءوتتى.
ءبىرىنشى كەزەڭگە 18 كىتاپحانا قىزمەتكەرى قاتىستى. ەكىنشى كەزەڭگە ءار اۋىلدان 6 كىتاپحاناشى تاڭدالىپ الىندى. ەكىنشى كەزەڭگە وتكەن كىتاپحاناشىلار «كىتاپحاناشى – بىرەگەي ماماندىق» تاقىرىبى توڭىرەگىندە ءوزىن-ءوزى تانىستىرۋ, «جۇرەگىم, جىرىم سەنسىڭ, تۋعان جەر» تاقىرىبى بويىنشا ولەڭ, وقۋ, ءان ايتۋدان سايىسقا ءتۇستى. «سۇراق-جاۋاپ» سايىسىندا اۋدان تاريحىنا بايلانىستى سۇراقتارعا جاۋاپ بەرىلدى. باس جۇلدەگە بودەنە اۋىلىنىڭ كىتاپحاناشىسى ايگۇل ەلەمەسوۆا يە بولسا, I ورىندى ءوندىرىس اۋىلىنان باقىت شايكەنوۆا, II ورىندى باشكولدەن ليۋتسيا حاميتوۆا, III ورىندى گلۋحوۆكادان سۆەتلانا كرۋجالسكايا الدى. بارلىق كىتاپحاناشىلار ماقتاۋ قاعازدارىمەن جانە باعالى سىيلىقتارمەن ماراپاتتالدى.
راۋشان نۇعمانبەك,
جۋرناليست
شىعىس قازاقستان وبلىسى,
بەسقاراعاي اۋدانى