شانحاي ىنتىماقتاستىق ۇيىمىنا مۇشە ەلدەردىڭ اسكەريلەرى اراسىندا ءار ەكى جىل سايىن وتەتىن «بەيبىت ميسسيا» ارنايى وقۋ-جاتتىعۋ شاراسى بيىل رەسەيدە جالعاسادى.
2010 جىلدان بەرى تۇراقتى ءوتىپ كەلە جاتقان جاۋىنگەرلىك جاتتىعۋ ادامزاتقا قاۋىپ ءتوندىرۋشى اسكەري ارەكەتتەر مەن تەرروريزمگە قارسى كۇرەس تاسىلدەرىن جەتىلدىرۋ ماقساتىن كوزدەيدى. سەگىز مەملەكەتتىڭ وكىلدەرى شاقىرىلعان «بەيبىت ميسسيا – 2018» اسكەري جاتتىعۋىنا قازاق ساربازدارى دا قاتىسپاقشى.
بۇگىندە الماتى وبلىسىنداعى «جەتىسۋ» اسكەري پوليگونىندا «بەيبىت ميسسيا – 2018» جاتتىعۋىنا قاتىساتىن ساربازدار دايىندىقتارىن پىسىقتاپ جاتىر. جاۋىنگەرلەر جاقىندا رەسەيدىڭ چەليابى وبلىسىنا ورنالاسقان شۇباركول اسكەري پوليگونىنا اتتانادى. وقۋ-جاتتىعۋعا قورعانىس مينيسترلىگى شابۋىلداۋشى-دەسانت اسكەرىنىڭ ەكى جۇزدەن استام جاۋىنگەرى مەن 60 ارنايى اسكەري تەحنيكا قاتىسپاق.
بيىلعى «بەيبىت ميسسياعا» قازاقستان جاۋىنگەرلەرىنەن بولەك رەسەي, قىتاي, ءۇندىستان, پاكىستان, تاجىكستان, وزبەكستان جانە قىرعىز رەسپۋبليكاسىنىڭ اسكەريلەرى قاتىسىپ, توتەنشە جاعدايدا جەدەل ارەكەت ەتۋدىڭ قىر-سىرىن پاش ەتەتىن بولادى.
قالماحانبەت مۇقامەتقالي,
«ەگەمەن قازاقستان»
الماتى وبلىسى