وقۋ-تاربيە ۇردىسىنە جاڭا پەداگوگيكالىق تەحنولوگيالاردى پايدالانۋدىڭ ماڭىزى زور. وقۋشى شىعارماشىلىعىن ۇزدىكسىز جەتىلدىرىپ وتىرۋ ءۇشىن ۇستاز ىزدەنىس ۇستىندە بولۋى مىندەتتى. مىنە, وسى ماقساتتا سىنىبىمىزدىڭ شاعىن كومپلەكتىلى بولۋىنا بايلانىستى وقىتۋدىڭ ءتيىمدى ادىستەرىن پايدالانۋ, ۇيرەنۋ جانە تاجىريبە الماسۋ قاجەت.
ساباق سوڭىندا, اسىرەسە «ەكى جۇلدىز, ءبىر ۇسىنىس» ارقىلى باعالاۋ توپتىق جۇمىستاردى تىڭداۋعا, ايتىلعان ويعا كەلىسەتىنىن, نە كەلىسپەيتىنىن ءبىلدىرىپ وقۋشىنى سىني كوزقاراسپەن قاراۋعا باۋليدى. ءوزارا باعالاۋ مەن ءوزىن ءوزى باعالاۋ وقۋشىنىڭ, مۇعالىمنىڭ بويىنداعى كەمشىلىكتى جويۋعا بىردەن-ءبىر جول ەكەنىن ۇقتىم. ءوزىن ءوزى باعالاۋ مەن ءوزارا باعالاۋ ناتيجەسىندە وقۋشىلاردىڭ توقساندىق ءبىلىم ساپاسىنىڭ العا جىلجىعانىن بايقادىم.
ساباق بارىسىندا بەرىلگەن تاپسىرمانى ومىرمەن بايلانىستىرۋعا ۇمتىلىس جاساعان كەيبىر وقۋشىلاردى كورگەندە «مىنا تاپسىرمانى مىنا توپقا بەرگەندە قالاي بولار ەدى» دەپ ويلاندىرىپ تاستايتىن دا جايتتار كەزدەسىپ تۇرادى. ءتىپتى توپتاسىپ, ساباقتى ماقالداتىپ ءوز ويلارىمەن قورىتىندىلاي باستادى. ۇسىنىستارىن دا ءبىلدىرىپ جاتادى.
ء ار جۇمىسقا دۇرىس ماقسات قويا بىلسەك, ءىس-ارەكەتىمىزدىڭ العا جىلجيتىنى انىق. توپپەن جاساعان ساباق وتە جەڭىل. وقۋشىلار تىس قالماي, ءبىر-ءبىرىن جەتەلەيدى. سىنىبىمىزدا كەيدە تاقىرىپتار بىرىكتىرۋگە ساي كەلمەي جاتادى. سەبەبى, سىنىپتارى ءارتۇرلى. بىراق سوعان قاراماستان سىنىپ بويىنشا ءتيىمدى ادىستەر تاۋىپ جاتامىز. وسىلاي جۇمىسىمىز جۇيەلى تۇردە جۇرگىزىلسە ۇلگەرىمى تومەن وقۋشىنىڭ سانى ازايادى دەپ ويلايمىن. قاي ىسكە كىرىسەردە دە ادام ونى ورىنداۋدان بۇرىن, جۇزەگە اسىرۋدىڭ جولدارىن ويلاستىرادى. مۇعالىم كۇندەلىكتى ساباقتارعا ناقتى ماقسات قويىپ, ونى ورىنداۋ ءۇشىن ۇتىمدى ادىستەردى تاڭداۋى كەرەك.
ءادىس – بالاعا بەرىلەتىن ءتۇرلى ۇعىمدار مەن تۇجىرىمداردى كوكىرەگىنە قوندىرۋدىڭ ەڭ ءتيىمدى جولى.
انار جولمىرزاەۆا,
قاراشەڭگەل باستاۋىش مەكتەبىنىڭ مۇعالىمى