مەملەكەتتىك ءبىلىم بەرۋ جيناقتاۋ جۇيەسى ءتۇسىندىرىلدى

اسقار ىبرايىموۆتىڭ ايتۋىنشا, 2013 جىلى مەملەكەت باسشىسىنىڭ باستاماسى بويىنشا حالىققا جوعارى وقۋ ورىندارى مەن كوللەدجدەردە ءبىلىم الۋدا قارجىلىق قولداۋ كورسەتۋ ءۇشىن قاراجات جيناقتاۋدىڭ جاڭا جۇيەسىن ەنگىزۋدى كوزدەيتىن «مەملەكەتتىك ءبىلىم بەرۋ جيناقتاۋ جۇيەسى تۋرالى» زاڭ قابىلدانعان.

«مەملەكەتتىك ءبىلىم بەرۋ جي­ناق­تاۋ جۇيەسى دەپوزيتتەرىنىڭ باس­تى ارتىقشىلىعى سالىمدارعا 12 پرو­تسەنتكە دەيىن بانكتىڭ جىلدىق سىيا­قىسىنان بولەك, مەملەكەتتەن سىي­لىقاقى تولەنەدى. مەملەكەت سىي­لىقاقىسىنىڭ مولشەرى قاراپايىم, قاتارداعى وتباسىلار ءۇشىن جىلدىق 5 پروتسەنت, الەۋمەتتىك قورعالماعان وتباسىلار ءۇشىن 7 پروتسەنتتى قۇ­رايدى. بۇگىندە 403 ستۋدەنت مبجج شەڭبەرىندە ءبىلىم الىپ ءجۇر», دەدى اسقار ىبرايىموۆ.

دەپارتامەنت مەنەدجەرى الپامىس ساتىبالدين بۇل جۇيە حالىق اراسىندا ء«بىلىم دەپوزيتى» دەگەن اتپەن تانىمال ەكەنىن تىلگە تيەك ەتتى.

«بۇل باعدارلاماعا سايكەس كەز-كەلگەن قازاقستان ازاماتى وزىنە نەمەسە ءوزىنىڭ بالاسىنا ءبىلىم دەپوزيتىن اشىپ, بانكتەن الاتىن سىياقىنىڭ ۇستىنە قوسىمشا ۇكىمەتتەن سىياقى الا الادى. جيناقتالعان قارجىنى قازاقستاندا بولسىن, شەتەلدە بولسىن جوعارى وقۋ ورنىندا ءبىلىم الۋى­نا قولدانۋعا بولادى. جالپى, بۇل باعدارلاما ەكىنشى دەڭگەيلى بانكتەر ارقىلى جۇزەگە اسىرىلادى. «حالىق بانكى», «نۇر بانك», «تسەسنابانك», «ۆتب» بانكتەرى وسى باعدارلامانىڭ قاتىسۋشىلارى. ايتا كەتەتىن تاعى ءبىر جايت, جاقىن ازيا ەلدەرى ىشىندە قازاقستان اتالعان جۇيەنى العاشقى بولىپ قولعا الىپ وتىر. ال بۇل باعدارلاما دۇنيە ءجۇزى بويىنشا 9 مەملەكەتتە ىسكە اسىرىلىپ كەلەدى. كوبىنەسە ولاردا «جەكە شوتتار» دەگەن اتپەن بەلگىلى. 9 مەملەكەتتىڭ ىشىندە بەلگيا, كانادا جانە تاعى باس­قا ەلدەر بار. العاشقى سالىناتىن جار­نا ءۇش ايلىق ەسەپتىك كورسەتكىشتى قۇ­رايدى. 2018 جىلى بۇل 7215 تەڭ­گەگە تەڭ. ياعني ءبىلىم دەپوزيتىن اشۋ ءۇشىن شوتىڭىزعا 7215 تەڭگە سالا­سىز. جالپى وسى باعدارلاما ىسكە قو­سىلعالى بەرى 403 ستۋدەنت مەملە­كەت­تىك ءبىلىم بەرۋ جيناقتاۋ جۇيەسى شەڭ­­بەرىندە ءبىلىم الىپ جاتىر. ءبىز جىل سايىن بۇل كورسەتكىشتىڭ كوتە­رى­لىپ كەلە جاتقانىن بايقايمىز», دەدى ول.

راۋان قايدار,

«ەگەمەن قازاقستان»