سەنات دەپۋتاتتارى داۋرەن ادىلبەكوۆ پەن راشيت اكىموۆ اقمولا وبلىسىندا بولدى

سەنات دەپۋتاتتارى سول كۇنى «جۇلدىز» بالالار باقشاسىنىڭ ەڭبەك ۇجىمىمەن كەزدەستى. دەپۋتاتتار وقىتۋشىلارعا ەلباسىمىز ن.ءا.نازارباەۆتىڭ بەس الەۋمەتتىك باستاماسىن جۇزەگە اسىرۋداعى نەگىزگى باعىتتار تۋرالى ايتىپ بەردى. سەناتورلار پرەزيدەنت باستامالارى ءاربىر قازاقستاندىق وتباسى ءۇشىن ماڭىزى زور ىرگەلى قۇندىلىقتاردىڭ بارلىعىن قامتيتىنىن اتاپ ءوتتى. بۇل لايىقتى تۇرعىن ءۇي ساتىپ الۋعا قول جەتكىزۋ, سالىق اۋىرتپالىعىن تومەندەتۋ ارقىلى ەڭبەككە اقى تولەۋدى ۇلعايتۋ, جاستاردىڭ ساپالى ءبىلىم الۋ مۇمكىندىگىن كەڭەيتۋ بولىپ تابىلادى. بالالار باقشاسىنىڭ قىزمەتكەرلەرى تۇرعىن ءۇي ماسەلەسىن شەشۋگە جانە مەكتەپكە دەيىنگى ۇيىمدار قىزمەتكەرلەرىنىڭ ەڭبەكاقىسىن كوتەرۋگە بايلانىستى ماسەلەلەرگە نازار اۋداردى.

كەزدەسۋ بارىسىندا اۋىل تۇرعىندارى «اقمول-نۇرەسىل-تالاپكەر» اۆتوموبيل جولىن جوندەۋ ماسەلەسى شەشىمىن تاپقانى ءۇشىن پارلامەنتشىلەرگە العىسىن جەتكىزدى. اۋدان تۇرعىندارى مانشۇك اۋىلىمەن بايلانىستىراتىن «استانا - قورعالجىن» تاس جولىنىڭ «قابانباي باتىر-مانشۇك-ورازاق» اۆتوموبيل جولىنىڭ ۋچاسكەسىن جوندەۋگە كومەك كورسەتىلەتىنىنە دە سەنىم ارتىپ وتىر.

اقمولا وبلىسىنىڭ تىنىس-تىرشىلىگىمەن تانىسۋ ەرەيمەنتاۋ اۋدانىندا ودان ءارى جالعاستى. ر.اكىموۆ پەن د.ادىلبەكوۆ نوۆوماركوۆكا اۋىلىندا «جاڭا بەرەكە» شارۋا قوجالىعىنىڭ جۇمىسىمەن تانىسىپ, ءوندىرىس تسەحتارىندا بولدى. اگرارلىق كاسىپورىن باسشىلىعىمەن اڭگىمە بارىسىندا مەملەكەت باسشىسىنىڭ بەس ينستيتۋتتىق رەفورمالارىنان تۋىندايتىن مىندەتتەر اياسىندا اگرارلىق سالاعا نەسيە بەرۋ ماسەلەلەرىنە ەرەكشە نازار اۋدارىلدى. اۋدان اكىمى ۆيكتور رادچەنكو «7-20-25» باعدارلاماسىنىڭ ورىندالۋ بارىسى تۋرالى بايانداي كەلىپ, رەسپۋبليكالىق ماڭىزى بار اۆتوموبيل جولىنىڭ قۇرىلىسى مەن حالىقتى اۋىز سۋمەن قامتاماسىز ەتۋ ماسەلەلەرى تۋرالى حاباردار ەتتى.

ر.اكىموۆ پەن د. ادىلبەكوۆ ەرەيمەنتاۋ قالاسىنىڭ جىلۋمەن جابدىقتاۋ جۇيەسىنىڭ قىسقى ماۋسىمعا دايىندىق جۇمىستارىنىڭ بارىسىمەن تانىستى. №2 ورتا مەكتەپكە بارعان كەزدە جاڭا وقۋ جىلىنا دايىندىق جانە كۇردەلى جوندەۋ جۇمىستارىن اياقتاۋ ماسەلەلەرى تالقىلاندى.