الەمدى تامساندىرعان «جەزكيىك»

مەكسيكانىڭ El Universal, La voz de Michoacan گازەتتەرى, وپەرالىق ونەر تۋرالى قالام تەربەيتىن اۋس­تراليالىق New Merker جۋرنالى, پەرۋلىك Peruanos en suiza ينتەرنەت پورتالى سەكىلدى وقىرمانى مول جەتەكشى مەديا وكىلدەرى اتالعان شارادان اقپارات تاراتتى. فەستيۆال تۋرالى ماقالا جازعان شەتەلدىك اۆتورلاردىڭ ءبارى جيىننىڭ جوعارى دەڭگەيدە وتكەنىن اتاپ ءوتتى.

ماسەلەن, El Universal گازە­تىنىڭ ءتىلشىسى فەستيۆالدىڭ قا­زاقستانداعى كيەلى جەرلەردىڭ ءبىرى سانالاتىن ۇلىتاۋدا وتكەنىن ايتا كەلە, «بۇل مەكەن ورتالىق قازاقستانداعى جارتىلاي شولەيت ايماقتا ورىن تەپكەن. وندا نەو­ليت ءداۋىرى ادامدارىنىڭ ءومىر سۇرگەنىن ايعاقتايتىن ارحەو­لوگيالىق دەرەكتەر مول. ۇلى­تاۋ قو­رىعى مەن ونىڭ تابيعاتى جانە لاندشاف­تى يۋنەسكو-نىڭ الەمدىك مۇ­راسى تىزىمىنە ەنگەن. قازىرگى تاڭ­دا قازاقستان بيلىگى وسى وڭىردە ءتۋريزمدى دامىتۋدى قولعا الىپ وتىر. تاۋلارمەن قورشالعان اتىراپ تالاي تاريحقا كۋا بولىپ, قازاق ەلى مادەنيەتىنىڭ نەگىزگى ءتۇپ قازىعىنا اينالدى», دەپ سۋرەتتەيدى.

مەكسيكالىق جۋرناليست جيىن­نىڭ جوعارى دەڭگەيدە ۇيىمداس­تىرىلعانىن ايتا كەتىپتى. اسىرەسە, اۆتوردى فەستيۆال ءۇشىن جابدىقتالعان ەتنو اۋىل تاڭعالدىرعان. «ساحنادا قويىلعان ونەر تۋىندىلارى بىردە-ءبىر لاتىنامەريكالىقتى بەيجاي قالدىرمايتىنى انىق. شوتلاند مۋزىكاسى, ورىستاردىڭ ءانى, قازاق دومبىراسىنىڭ قوڭىر ءۇنى, بارابان, فلەيتا ءۇنى قوسىلىپ ەرەكشە ءبىر اۋەز تۋىندايدى. جاس مۋزىكانتتار تىلگە, گەوگرافيالىق ەرەكشەلىككە قارا­ماستان مۋزىكانىڭ كەز كەلگەن ادامنىڭ جۇرەگىن جاۋلايتىنىن دالەلدەدى», دەپ تۇيىندەيدى ماقا­لاسىن مەكسيكالىق ءتىلشى.

New Merker جۋرنالى وزدەرىنىڭ ينتەرنەت پورتالدارىندا وقيعا ورنىنان ارنايى رەپورتاج جاساپ وتىردى. اسىرەسە, اۋستراليالىق وپەرا ءانشىسى اننا رياننىڭ ونەرى جان-جاقتى كورسەتىلدى. سونىمەن قاتار «جەزكيىك» فەستيۆالىنىڭ تاريحي مەكەن ۇلىتاۋدا وتكەنىنە توقتالىپ, ۇيىمداستىرۋشىلاردىڭ بارىن سالعانى انىق بايقالعانىن جەتكىزگەن.

«جەزقازعان وڭىرىندە وتكەن ءىس-شاراعا 17 ەلدەن كەلگەن ونەرپازدار قاتىستى. بۇل حالىقارالىق ىنتى­ماقتاستىقتىڭ جارقىن ۇلگىسى سانالادى. فەستيۆالعا كەلگەندەر قوناق­جاي حالىقپەن, ءبىر-بىرىمەن جاقسى ءتىل تابىستى. الەمنىڭ ءار تۇكپىرىنەن جينالعان انشىلەر دە ءوزارا دوستاسىپ كەتتى», دەلىنگەن جۋرنالدىڭ ونلاين نۇسقاسىندا.

جيىنعا كەلگەن جاپونيالىق بلوگەر تومكوك وكادو ءوزىنىڭ فەيس­بۋكتەگى پاراقشاسىنا «ۇيىم­داس­تىرۋشىلارعا, انشىلەرگە, بيشىلەرگە – جالپى ءىس-شاراعا اتسالىسقانداردىڭ بارىنە العىسىم ەرەكشە. دوستىق كوڭىل-كۇي, مەيىرىمدىلىك پەن شابىت سىيلاعاندارىڭىز ءۇشىن راحمەت. قازاقستاندى تەڭدەسسىز فەستيۆال وتكىزۋىمەن قۇتتىقتايمىن» دەپ جازدى.

جالپى, I حالىقارالىق «جەز­كيىك» مۋزىكالىق فەستيۆالى 13-14 شىل­دەدە ۇلىتاۋدا ءوتتى. جيىنعا جاپونيا, اقش, رەسەي, پەرۋ, شوتلانديا سەكىلدى بىرقاتار مەملەكەتتەن كلاسسيكالىق جانە ۇلتتىق مۋزىكا انسامبلدەرى قاتىستى. ءىس-شارانى التى مىڭنان استام كورەر­مەن تاماشالادى.

اباي اسانكەلدى ۇلى,

«ەگەمەن قازاقستان»