جۋىردا سولتۇستىك قازاقستان وبلىسىنىڭ وقۋشىلارى اۋليەاتا وڭىرىندە بولىپ, جامبىل وبلىسىنىڭ كيەلى, مادەني نىساندارىن تاماشالادى.
وقۋشىلاردىڭ جازعى دەمالىسىن ءتيىمدى پايدالانۋ جانە تۋعان ەلدىڭ مادەنيەتى مەن تاريحىن تەرەڭ زەردەلەۋ ماقساتىندا ۇيىمداستىرىلعان رەسپۋب-ليكالىق ولكەتانۋ اكتسياسى اياسىندا ولار ءحى عاسىردا سالىنعان قاراحان بابا, ايشا ءبيبى, بابادجا حاتۋن جانە تەكتۇرماس كەسەنەلەرىن, سونىمەن قاتار «كونە تاراز» تاريحي-مادەني ورتالىعىن, جامبىل وبلىستىق تاريحي-ولكەتانۋ مۋزەيىن, قازاق حاندىعىنىڭ 550 جىلدىعىنا ارنالعان مونۋمەنتىن, «تاراز ارەنا» سپورت كەشەنىن جانە جۋىردا قايتا جاڭعىرتۋدان وتكەن «جەڭىس» ساياباعىن ارالاپ, كونە شاھاردىڭ مادەني نىساندارىمەن تانىستى.
جامبىل وبلىستىق ءبىلىم باسقارماسىنىڭ مالىمەتىنشە, قازاقستان رەسپۋبليكاسى پرەزيدەنتى اكىمشىلىگىنىڭ ىشكى ساياسات ءبولىمى «رۋحاني جاڭعىرۋ» ورتالىق جوبالىق كەڭسەسىمەن بىرلەسىپ جازعى دەمالىس ۋاقىتىندا از قامتىلعان وتباسىلاردان شىققان, اتا-انالارىنىڭ قامقورلىعىنسىز قالعان بالالاردىڭ, سونداي-اق رەسپۋبليكالىق جانە وبلىستىق وليمپيادالار مەن جارىستاردىڭ جەڭىمپازدارىنىڭ قازاقستاننىڭ كيەلى نىساندارىنا, سونىڭ ىشىندە استانا قالاسىنا بارۋى جونىندە رەسپۋبليكالىق ولكەتانۋ اكتسياسىن جوسپارلاپ, وڭىرلىك دەلەگاتسيالاردىڭ ەلىمىزدىڭ وبلىستارى مەن قالالارىنىڭ كيەلى ورىندارىنا بارۋ كەستەسىن بەكىتكەن. اتالعان كەستەگە شىلدە ايىندا تاراز سەرۆيس جانە تەحنولوگيا كوللەدجىنىڭ 25 ستۋدەنتى سولتۇستىك قازاقستان وبلىسى, پەتروپاۆل قالاسىنىڭ مادەني نىساندارىن تاماشالاپ قايتقان بولاتىن. ال شىلدە ايىنىڭ سوڭعى اپتاسىندا اتالعان وبلىسقا وڭىردەن تاعى 45 مەكتەپ وقۋشىلارى مەن كوللەدج ستۋدەنتتەرى اتتانادى دەپ جوسپارلانۋدا.
حاميت ەسامان, «ەگەمەن قازاقستان» جامبىل وبلىسى