«تسيفرلىق قازاقستان»: ۇكىمەت باسشىسى وتاندىق ات-كومپانيالارمەن مەملەكەتتىك باعدارلامانى ىسكە اسىرۋ ماسەلەسىن تالقىلادى

كەزدەسۋ بارىسىندا ەكونوميكانى تسيفرلاندىرۋ مەن قازاقستاندىق اT-قاۋىمداستىقتى دامىتۋدىڭ اۋقىمدى جۇمىستارىنىڭ نەگىزگى كەزەڭدەرى تالقىلاندى. اتاپ ايتقاندا, «Astana Hub» ات-ستارتاپتاردىڭ حالىقارالىق تەحنوپاركىنىڭ يننوۆاتسيالىق كلاستەرىن قۇرۋ, وتاندىق كادرلاردى دايارلاۋ, اقپاراتتىق قاۋىپسىزدىك, ات-ستارتاپتار ءۇشىن يننوۆاتسيالىق گرانتتار ءبولۋ, سونداي-اق وتاندىق ات-قىزمەتتەردىڭ ەكسپورتتىق الەۋەتىن قولداۋ جانە وتاندىق ات-كومپانيالاردىڭ قىزمەتتەرىنە كەدەرگى كەلتىرەتىن توسقاۋىلداردى جويۋ سەكىلدى ماسەلەلەرگە ەرەكشە نازار اۋدارىلدى.

بيزنەس-قاۋىمداستىق وكىلدەرى وتاندىق تسيفرلىق يندۋستريانى دامىتۋ تۋرالى وزدەرىنىڭ كوزقاراستارىمەن ءبولىسىپ, سونداي-اق وزدەرىنىڭ ۇسىنىستارى مەن قىزىعۋشىلىق تانىتاتىن ماسەلەلەرىن ايتتى. ماسەلەن, بۇگىنگى تاڭدا ات-ماماندارىن تاۋارلاردى, جۇمىستاردى جانە قىزمەتتەردى مەملەكەتتىك ساتىپ الۋ راسىمدەرىن جەڭىلدەتۋ, وتاندىق ات-كومپانيالاردى مەملەكەتتىك قولداۋ, ءمجا تەتىكتەرىن جەتىلدىرۋ, ەلەكتروندىق كوممەرتسيانى ىنتالاندىرۋ, اT-كومپانيالار اراسىندا باسەكەلەستىكتى دامىتۋ, سونىمەن قاتار, تسيفرلىق ەكونوميكا داعدىلارىن دامىتۋعا باعىتتالعان ءبىلىم بەرۋ جۇيەسىن جاڭعىرتۋ ماسەلەلەرى تولعاندىرادى.

كەزدەسۋ بارىسىندا قر پرەمەر-ءمينيسترىنىڭ ورىنباسارى ا. جۇماعاليەۆ, اقپارات جانە كوممۋنيكاتسيالار ءمينيسترى د. اباەۆ, قارجى ۆيتسە-ءمينيسترى ر. ەڭسەباەۆ ءسوز سويلەدى.

كەزدەسۋدىڭ قورىتىندىسى بويىنشا قر پرەمەر-ءمينيسترى باقىتجان ساعىنتاەۆ 20 وتاندىق ات-كومپانيانىڭ مۇمكىندىكتەرى تۋرالى پرەزەنتاتسيالىق ستەندتەرمەن تانىستى.

ەسكە سالا كەتەيىك, مەملەكەت باسشىسى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىندا تسيفرلاندىرۋدى دامىتۋ جونىندە بىرقاتار تاپسىرمالار بەرگەن ەدى.

«تسيفرلىق يندۋستريانى دامىتۋ باسقا بارلىق سالالارعا سەرپىن بەرەدى. سوندىقتان ۇكىمەت ات سالاسىن دامىتۋ ماسەلەسىن ەرەكشە باقىلاۋدا ۇستاۋعا ءتيىس. جاڭا يندۋستريالار قالىپتاستىرۋدىڭ ماڭىزدى شارتى يننوۆاتسيالاردى قولداۋ جانە ولاردى وندىرىسكە تەزىرەك ەنگىزۋ بولىپ سانالادى», — دەلىنگەن جولداۋدا.