ورتاعاسىرلىق سارايشىق قالاشىعىنا ەندى جايىقتان كەلەر قاۋىپ جوق. كونە شاھار اۋماعىنداعى جاعالاۋدى بەكىتۋ جۇمىستارى اياقتالدى. جەتى حان جەرلەنگەن دەلىنەتىن قاسيەتتى جەردىڭ ءبىراز بولىگىن جايىق وزەنى شايىپ كەتكەن ەدى.
وبلىس اكىمى نۇرلان نوعاەۆ جەرگىلىكتى قازىنادان 1,7 ملرد تەڭگە ءبولىپ, قورعانىس بوگەتىن سالۋدى قولعا الدى. ەكى جىلعا سوزىلعان قۇرىلىس جۇمىستارى دا ءبىتتى. بيىكتىگى 3,6 م, ۇزىندىعى 1,5 كم بوگەت ەندى جايىق سۋىنىڭ ەسكى قالا ورنىن باسۋىنا جول بەرمەيدى.
سارايشىق – «رۋحاني جاڭعىرۋ» باعدارلاماسى اياسىندا اتىراۋ وبلىسىنان «قازاقستاننىڭ كيەلى جەرلەرى گەوگرافياسى» جوباسىنا ەنگەن تاريحي ورىن. «جىبەك جولى بويىندا ورنالاسقان بۇل كونە شاھار ەندى تۋريستىك ورتالىققا اينالادى. 2015 جىلى قالاشىق ورنىن جايىقتىڭ تاسقىن سۋىنان ساقتاپ قالۋ ءۇشىن قاراجات ءبولىندى. قازاقستاندىقتار ءۇشىن ماڭىزدى مەرەكە استانانىڭ 20 جىلدىعىندا جۇمىستىڭ اياقتالعانى دا جاقسىلىقتىڭ نىشانى. مەملەكەت باسشىسى ەلىمىزدەگى كيەلى ورىندارعا اركەز كوڭىل ءبولىپ كەلەدى. بولاشاقتا تۋريستىك ورتالىق سالۋدى جوسپارلاپ وتىرمىز», دەيدى وبلىس اكىمىنىڭ ورىنباسارى الىبەك ناۋتيەۆ.
ەندى كونە قالا ورنىندا قازىرگى زامانعى تالاپتارعا تولىق جاۋاپ بەرەتىن ساپار ورتالىعى بولادى. كەشەن ءتۋريزمنىڭ دامۋىنا دا سەپتىگىن تيگىزەدى دەگەن جوسپار بار.
باقىتگۇل باباش, «ەگەمەن قازاقستان»
اتىراۋ