تەگىن دارىگە قول جەتكىزۋدەگى قيىندىقتار

«بۇل باعىتتا ۇلكەن جۇمىس جاسالدى. وتكەن جىلى ەلباسى دا دەنساۋلىق ساقتاۋ سالاسى بويىنشا بىرنەشە مىندەتتەر قويدى. ەڭ ءبىرىنشى ءدارى-دارمەكپەن قامتاماسىز ەتۋ, سونىمەن قاتار وتاندىق فارماتسەۆتيكالىق وندىرۋشىلەردى جانە مەديتسينا سالاسىن­داعى جەكەمەنشىك سەكتوردى قولداپ سالاعا ينۆەستيتسيا تارتۋ, تسيفرلان­­دىرۋ جۇمىستارىن جۇيەلى جۇرگىزۋ قا­­جەت. وزدەرىڭىزگە ءمالىم, ءبىز بيىلدان باس­تاپ تەگىن مەديتسينالىق قامتاماسىز ەتۋ ماسەلەسىن رەسپۋبليكالىق دەڭگەيگە كو­شىردىك. وتكەن جىلدا وسى تەگىن ءدارى-دارمەكپەن قامتاماسىز ەتۋ ءۇشىن 100 ميللياردتاي اقشا بولىنگەن بولاتىن. ونىڭ جارتىسى رەسپۋبليكالىق بيۋدجەتتەن, جارتىسى جەرگىلىكتى بيۋدجەتتەن قاراستىرىلدى. جىلدىڭ باسىن­دا ازاماتتاردىڭ كوپشىلىگى تە­گىن ءدارى-دارمەك الۋ بويىنشا بىر­نەشە قيىندىققا دۋشار بولدى. ءبىز سول كۇندەردەن باستاپ تۋىنداعان ما­سەلەلەردى شەشۋمەن اينالىستىق. جال­پى, ەلىمىز بويىنشا فارماتسيا كو­ميتەتىنە 2 مىڭنان استام ازاماتتان اق­پاراتتار كەلدى. بارلىق جاعدايلاردى تەكسەردىك. سوزىلمالى اۋرۋمەن اۋىراتىندار تىزىمگە كىرمەگەن. سولارعا تەگىن ءدارى-دارمەك جوسپارلانباعان. ەكىنشى ماسەلە جەرگىلىكتى دەڭگەيدەن قاجەتتى قار­جىلاندىرۋ بولماعاندىقتان, كوپ ازاماتتارعا ءدارى-دارمەك جەتپەگەن. مەملەكەتتىك بيۋدجەت ەسەبىنەن ءدارى-دارمەكپەن قامتاماسىز ەتىلگەن پاتسي­ەنتتەر سانى سوڭعى 5 جىل ىشىندە 15 پايىزعا ارتقان. دارىلىك زاتتارمەن قامتۋ پروتسەسىنىڭ تيىمدىلىگى مەن اشىقتىعى ماقساتىندا بيىلعى جىل­دان باستاپ امبۋلاتوريالىق ءدا­رى-دارمەكتەردى ساتىپ الۋدى ور­تا­­­لىق­تاندىرۋ جۇرگىزىلدى, ونلاين تران­سلياتسيا رەجىمىندە ساتىپ الۋدى ۇيىمداستىرۋ ناتيجەسىندە بيۋدجەت قاراجاتىن ۇنەمدەۋگە قول جەت­كىزىلدى. قازىر وڭىرلىك قوعامدىق دەن­ساۋ­لىق ساقتاۋ باسقارمالارى وسى سوماعا ورتالىقتاندىرۋ كەزىندە انىق­تال­عان تاپشىلىقتى جابۋعا جانە ەمدەلۋگە مۇقتاج بارلىق ازاماتتار­دى ءدارى-دارمەكپەن قامتاماسىز ەتۋ بويىن­شا قوسىمشا وتىنىمدەردى قا­لىپ­تاستىردى», دەدى دەنساۋلىق ساقتاۋ ءمينيسترى.

سونىمەن قاتار ول وسى ايدا 2019 جىلعا ارنالعان ءدارى-دارمەكتى ساتىپ الۋ جۇرگىزىلەتىنىن جەتكىزدى.

راۋان قايدار,

«ەگەمەن قازاقستان»