ءماجىلىستىڭ حالىقارالىق ىستەر, قورعانىس جانە قاۋىپسىزدىك كوميەتىنىڭ توراعاسى مۇحتار ەرمان مەن دەپۋتات سەرگەي زۆولسكيدىڭ سولتۇستىك قازاقستان وبلىسىنداعى جۇمىس ساپارى اياسىندا پەتروپاۆل قالاسىنداعى وقۋشىلار سارايىنىڭ قۇرىلىس جۇمىسىمەن تانىستى, دەپ حابارلايدى ءماجىلىستىڭ ءباسپاسوز قىزمەتى.
جاڭا وقۋشىلار سارايى 1800 بالاعا ەسەپتەلگەن, ونىڭ سالىنۋ مەرزىمى وسى جىلدىڭ قىركۇيەك ايىنا جوسپارلانعان. نىساننىڭ باستى ماقساتى – بالالاردىڭ جوبالاۋ-زەرتتەۋ قىزمەتىن جانە عىلىمي-تەحنيكالىق شىعارماشىلىعىن دامىتۋ بولىپ تابىلادى. وقۋشىلار سارايىنىڭ بازاسىندا IT-ورتالىعى جۇمىس ىستەيتىن بولادى.
- وقۋشىلار سارايىنىڭ بازاسىندا بولاشاق IT-ورتالىعىنىڭ تۇجىرىمداماسىندا 3 نەگىزگى مىندەت انىقتالدى.ءبىرىنشىسى - بالالاردى زاماناۋي اقپاراتتىق تەحنولوگيالار الەمىنە, ءىت-كاسىپكەرلىككە جانە تاجىريبەلى ءىت-ماماندارمەن كوممۋنيكاتسياعا كوشىرۋ.ەكىنشىدەن, «پروگرەسسيۆتى» اتا-انا مەن دارىندى بالالاردىڭ دوستاستىعى قالىپتاسادى. سونىمەن ءبىز اتا-انالارعا زاماناۋي تەحنولوگيالاردى ساۋاتتى پايدالانا الاتىن بالالاردى تاربيەلەۋگە كومەكتەسەتىن بولامىز», - دەدى ورتالىق ديرەكتورى دينا ءابىلماجىنوۆا.
ورتالىقتا بالالاردى ءتيىمدى وقىتۋ ۇشىنزەرتحانالار جۇمىس ىستەيتىن بولادى. ولار ونەركاسىپتىك ينتەرنەت-زاتتار زەرتحاناسى, روبوتوتەحنيكا جانە مەحاترونيكا مەن درون جيناۋ جانە ەلەكترونيكا مەن ەلەكتروتەحنيكا كابينەتتەرى, سونداي-اق, SDR راديو زەرتحاناسى, 3D-پروتوتيپ كابينەتى, ۆيرتۋالدى ناقتىلىق, باعدارلامالاۋ كابينەتتەرى بولادى. بۇدان باسقا, ساراي بازاسىندا يننوۆاتسيالىق كوۆوركينگ-ايماعى بولادى. وندا سويلەسۋ بولمەلەرى, سمارت وفيستەر, كومپيۋتەرلەندىرىلگەن ايماقتار قامتىلادى.
سوڭداي-اق, سارايدا كوركەمدىك-ەستەتيكالىق باعىتتاعى شىعارماشىلىق ايماعى قاراستىرىلعان. وندا بالالار حورەوگرافيا, تەاتر جانە ۆوكالدىق داعدىلاردى ۇيرەنەدى.
«وقۋشىلار سارايى مەن جوعارى تەحنولوگيالىق بازاسى بار بىرەگەي IT-ورتالىعى بالالار مەن جاستاردىڭ ينتەللەكتۋالدى دامۋىنىڭ وشاعى بولىپ تابىلادى.مۇندا عىلىمي جانە شىعارماشىلىق قىزمەت ءۇشىن ەڭ جاقسى جاعدايلار جاسالادى. مەملەكەت باسشىسى بۇل تۋرالى ءوزىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىندا ايتقان بولاتىن», - دەدى ءماجىلىس دەپۋتاتى مۇحتار ەرمان.
سونداي-اق, دەپۋتات بۇگىنگى تاڭدا «نۇر وتان» پارتياسىنىڭ جاستارعا باعىتتالعان جاڭا جوبالارى بار ەكەنىنە, ول ەلىمىزدەگى كوپتەگەن تالانتتى جاستاردىڭ ءوز الەۋەتىن جان-جاقتى ىسكە اسىرۋعا مۇمكىندىك بەرەتىنىن جەتكىزدى.