مەملەكەت باسشىسىنىڭ جارلىعىمەن جاندوس ءانۋار ۇلى اسانوۆ قازاقستان رەسپۋبليكاسىنىڭ تۇرىكمەنستانداعى توتەنشە جانە وكىلەتتى ەلشىسى قىزمەتىنە تاعايىندالدى, دەپ حابارلايدى اقوردانىڭ ءباسپاسوز قىزمەتى.
جاندوس اسانوۆ 1969 جىلى 15 اقپاندا دۇنيەگە كەلگەن. الماتى شەت تىلدەر پەداگوگيكالىق ينستيتۋتىن بىتىرگەن.
2004-2006 جىلدارى - قر ءسىم رەفەرەنتى, قر پاكىستانداعى ەلشىلىگىنىڭ اتتاشەسى, ءۇشىنشى, ەكىنشى حاتشىسى, قر سىرتقى ىستەر مينيسترلىگىنىڭ ءبىرىنشى حاتشىسى, ءباسپاسوز قىزمەتىنىڭ جەتەكشىسى, قر پرەزيدەنتىنىڭ حاتتاما قىزمەتىنىڭ كونسۋلتانتى, قر پرەمەر-ءمينيسترىنىڭ حاتتاما قىزمەتىنىڭ جەتەكشىسى - حاتشىلىق مەڭگەرۋشىسىنىڭ ورىنباسارى, قازاقستاننىڭ ۇلىبريتانياداعى ەلشىلىگىنىڭ ءبىرىنشى حاتشىسى, قر ءسىم ەۋروپا جانە امەريكا دەپارتامەنتىنىڭ ديرەكتورى.
2006-2008 جىلدارى - اوىسشك حاتشىلىعىنىڭ اتقارۋشى ديرەكتورى.
2008-2009 جىلدارى - قر-نىڭ ەقىۇ جانىنداعى تۇراقتى وكىلدىگىنىڭ كەڭەسشى-ەلشىسى. 2009-2012 جىلدارى - ەقىۇ مينسك قالاسىنداعى كەڭسەسى باسشىسىنىڭ ورىنباسارى, قر-نىڭ بەلگياداعى ەلشىلىگىنىڭ كەڭەسشى-ەلشىسى. 2012-2013 جىلدارى - قر پارلامەنتى سەناتى اپپاراتى جەتەكشىسىنىڭ ورىنباسارى.