بەلارۋس پرەزيدەنتى الەكساندر لۋكاشەنكو «ۆيتەبسكىدەگى سلاۆيان بازارى» فەستيۆالىنىڭ سالتاناتتى اشىلۋ راسىمىندە ءانشى روزا رىمباەۆاعا «ونەر ارقىلى - بەيبىتشىلىك پەن ءوزارا تۇسىنىستىككە» ارنايى ماراپاتىن تابىس ەتتى, دەپ حابارلايدى belta.by.
«بەلارۋس پەن قازاقستاننىڭ قارىم-قاتىناسى ءاردايىم جىلى بولعان. ءبىز ونى جىلدار بويى ساقتاپ قالدىق», - دەدى روزا رىمباەۆا. ول بارلىق حالىققا بەيبىتشىلىك, تىنىشتىق جانە باقىت تىلەدى.
سونداي-اق بەلارۋستىڭ ۆيتەبسك قالاسىنداعى «جۇلدىزدار الاڭىندا» قازاقستاندىق تانىمال ءانشى روزا رىمباەۆانىڭ جۇلدىزى ورناتىلدى.