ايماقتارعا ساپار اياسىندا پارلامەنت سەناتىنىڭ دەپۋتاتى, كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ مۇشەسى رىسقالي ابدىكەروۆ قاراعاندى وبلىسىنداعى قاراجال-جايرەم ايماعىنىڭ تىنىس-تىرشىلىگىمەن تانىسىپ, بىرنەشە كاسىپورىنداردى ارالادى.
دەپۋتات «قاراجال قالاسىنىڭ تۇرعىن-ءۇي كوممۋنالدىق شارۋاشىلىعى, جولاۋشىلار كولىگى, اۆتوموبيل جولدارى قۇرىلىس جانە تۇرعىن ءۇي ينسپەكتسياسى ءبولىمى» مەكەمەسىندە, №5 جالپى ءبىلىم بەرۋ مەكتەبىندە, سۋ قويماسىندا, «وركەن-اتاسۋ» وكىلدىگىنىڭ «وركەن» مەكەمەسىندە بولىپ, ەڭبەك ۇجىمدارىمەن كەزدەستى. «وركەن» مەكەمەسىندەگى كەزدەسۋلەر بارىسىندا كاسىپورىننىڭ جۇمىسىمەن تانىسىپ, وندىرىلەتىن كەننىڭ قورى جانە ونى يگەرۋ, جۇمىسشىلاردىڭ ەڭبەكاقى ماسەلەلەرى تۋرالى ءسوز بولدى.
سەناتور سونداي-اق قاراجال قالالىق ءماسليحات دەپۋتتاتارىمەن ايماقتاعى مەكەمە باسشىلارىمەن, بۇقارالىق اقپارات قۇرالدارىنىڭ وكىلدەرىمەن دە كەزدەسىپ, ەلباسىنىڭ بەس الەۋمەتتىك باستاماسىنىڭ ماڭىزىن جان-جاقتى ءتۇسىندىردى. 7-20-25 باعدارلاماسى مەن ءبىلىم گرانتتارى, ستۋدەنتتەردى جاتاقحانامەن قامتامىز ەتۋ جايىندا دا اڭگىمە بولدى.
- جاڭاارقا اۋدانى بويىنشا مەكتەپ تۇلەكتەرىنىڭ 80 پايىزى تەحنيكالىق ماماندىقتارعا قۇجات تاپسىردى. ولار الداعى كۇندەردە قاراجال-جايرەم ايماعىنداعى فابريكالارىنا جۇمىسقا ورنالاسىپ, جۇمىسسىزدىق ازايادى دەپ ويلايمىن, - دەدى سەناتور. ول سونداي-اق ايماقتا اتقارىلىپ جاتقان يگى ىستەرگە توقتالىپ, ەڭبەككەرلەردىڭ قاجىرلى قىزمەتىنە ريزاشىلىعىن ءبىلدىردى.
سەنات دەپۋتاتى ر.ابدىكەروۆ قاراجال قالاسىنىڭ اكىمى ت.دوساەۆپەن بىرگە وڭىردەگى الىپ كاسىپورىن «جايرەم كەن-بايىتۋ كومبيناتى» اكتسيونەرلىك قوعامدا بولىپ, اتقارىلىپ جاتقان جۇمىستارمەن تانىستى. سەناتور كاسىپورىن باسشىلىعىمەن جانە جۇمىسشىلارمەن كەزدەسۋ بارىسىندا ولاردىڭ ەڭبەكتەرىنىڭ تابىستى بولۋىنا تىلەكتەستىگىن ءبىلدىردى.