ەلوردانىڭ مەرەيتويى قۇرمەتىنە قىزىلورداداعى ەمحانالار اشىق ەسىك كۇنىن وتكىزدى.
ونىڭ ءتيىمدى جاعى جانىنا ءدارۋ ىزدەگەن ناۋقاس الدىن الا تىركەۋسىز-اق وزىنە ىڭعايلى ۋاقىتتا مەديتسينا ورتالىقتارىنىڭ قىزمەتىنە جۇگىنە الادى.قالاداعى №2 ەمحانا باس دارىگەرىنىڭ ورىنباسارى ساعيدوللا رىسالديەۆ ازداعان ۋاقىتتىڭ ىشىندە جۇزدەگەن ادامنىڭ ەم الۋعا جازىلعانىن ايتادى.
قالا تۇرعىندارى دا رازى. ولار وزدەرى تىركەلگەن ەمحاناعا بارىپ ۋاقىت جوعالتپاي, جاقىن ماڭداعى مەديتسينا ورتالىقتارىنا بارىپ ەم-دوم الىپ جاتىر. ارينە, ەشكىمگە مەديتسينالىق كومەك بۇعان دەيىن ناشار كورسەتىلىپ كەلدى دەگەن ۇعىم تۋمايدى. ءبارى رەتىمەن ءجۇرىپ جاتىر.
استانا مەرەيتويى - بۇكىلحالىقتىق مەيرام. قازاقستاننىڭ كىندىك قالاسى بۇگىندە الەم ساناساتىنداي مارتەبەلى شاھارعا اينالدى. ءومىر باقي ءبىر-بىرىمەن بىتىسپەستەي بولىپ, ەردىڭ ارتقى قاسىن سۇراعان مەملەكەتتەر ورتاق ديالوگتى استانا تورىنەن تاپتى. بىتىمگە كەلدى. جەر اتتى پلانەتاعا ىزگىلىك شۋاعىن سەزىپ وتىرعان قازاقتىڭ اقورداسىنا قۇرمەت بارلىق سالادا كورسەتۋگە ءتيىس.
قىزىلوردالىق اق حالاتتى ابزال جانداردىڭ ەل استاناسى مەرەيتويىنا ۇلەسى ءبىر اپتاعا سوزىلادى.
باقتيار تايجان,
«ەگەمەن قازاقستان»
قىزىلوردا وبلىسى