بۇگىن استانادا ەلباسى نۇرسۇلتان نازارباەۆ «استانا» حالىقارالىق قارجى ورتالىعىنىڭ رەسمي قىزمەتىن ارنايى گونگ سوعۋ ارقىلى ىسكە قوستى.
«ۇزاق ۋاقىت كۇتكەن ءساتتىڭ تۋىنداۋىمەن قۇتتىقتايمىن جانە وسىدان باستاپ ءبىزدىڭ استانا حالىقارالىق قارجى ورتالىعىمىز قىزمەتىنە كىرىستى. وسى جەردە وتىرعان بارلىق ورتالىق قاتىسۋشىلارىنا, ۋاقىتىن ءبولىپ كەلىپ وتىرعان قىمباتتى قوناقتارىمىزعا شىنايى ريزاشىلىعىمدى بىلدىرەمىن. ءبىزدىڭ ەلىمىزگە نەبارى - 27 جىل. بۇل تاريح ءۇشىن قاس-قاعىم ءسات. دەگەنمەن, ءبىزدىڭ حالقىمىز بولاشاق گۇلدەنۋ جولىندا ۇلكەن قادام جاسادى دەپ ويلايمىن. «استانا» حالىقارالىق قارجى ورتالىعى دا وسى ماقساتقا قىزمەت ەتەتىندىگىنە ءۇمىت ارتامىز. ءبىز ءوز تاراپىمىزدان ورتالىقتىڭ جۇمىسى بارلىعىنا قاناعاتتانۋشىلىق سىيلايتىنداي, بيزنەسكە پايدا اكەلەتىندەي جانە قازاقستان ودان مول پايدا الاتىنداي جاسايتىن بولامىز», دەدى ەلباسى.