پارلامەنت سەناتىنىڭ دەپۋتاتى نۇرجان نۇرسيپاتوۆ «نۇر وتان» پارتياسىنىڭ پاۆلودار وبلىستىق بولىمشەسىندە ازاماتتاردى قابىلدادى.
قابىلداۋ بارىسىندا پاۆلودار وبلىستىق ەكولوگيا دەپارتامەنتى لابوراتوريالىق-تالداۋ ءبولىمىنىڭ باسشىسى ەرىك ەگىمباەۆ جوبالىق قۇجاتتاردى ازىرلەۋ بارىسىندا ەكولوگيالىق مونيتورينگتى اۆتوماتتاندىرۋدى قاراستىرۋدى ۇسىندى. سونداي-اق پاۆلودار وبلىسىنداعى اۋداندىق ماڭىزى بار جانە اۋىلدىق دارىگەرلىك مەكەمەلەردىڭ نەگىزگى تاريفتەرىن وزگەرتۋ تۋرالى ماسەلە كوتەرىلدى. شارباقتى اۋداندىق ءماسليحاتىنىڭ دەپۋتاتى ليۋدميلا مارينكو ءبىزدىڭ ەلىمىزدە رەسەي فەدەراتسياسىنىڭ ۇلگىسىندە انا كاپيتالى جۇيەسىن ەنگىزۋ مۇمكىندىگى تۋرالى ءوز ويلارىن ورتاعا سالدى. قابىلداۋ بارىسىندا ايتىلعان ساۋالداردى سەنات دەپۋتاتى نازاردا ۇستايتىن بولدى.
ن.نۇرسيپاتوۆ سونداي-اق پارتيانىڭ وبلىستىق بولىمشەسىندەگى پارتيالىق باقىلاۋ كوميسسياسى مەن سىبايلاس جەمقورلىققا قارسى ءىس-قيمىل جونىندەگى قوعامدىق كەڭەس مۇشەلەرىمەن جۇمىس بابىنداعى كەزدەسۋ وتكىزدى. سىبايلاس جەمقورلىققا قارسى 2015-2025 جىلدارعا ارنالعان پارتيانىڭ باعدارلاماسىن, «نۇر وتان» پارتياسىنىڭ جانە ەلىمىزدىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ىنتىماقتاستىق تۋرالى مەموراندۋمى اياسىندا بىرلەسكەن شارالار جۇرگىزۋ جوسپارىن ىسكە اسىرۋ, مەملەكەت باسشىسىنىڭ بەس الەۋمەتتىك باستاماسىنىڭ ورىندالۋىن پارتيالىق باقىلاۋدى قامتاماسىز ەتۋ ماسەلەلەرى تالقىلاندى.