وسىدان 20 جىل بۇرىن استانا قالاسىنىڭ حالىقارالىق تانىستىرىلۋ راسىمىنە قاتىسۋعا مۇمكىندىك الدىم. قۇرمەتتى مەيماندارمەن بىرگە ازەربايجان دەلەگاتسياسى باۋىرلاس قازاق ەلىنىڭ قۋانىشىن بولىسكەن ەدىك.
ول كەزدە شاھار ەندى عانا سالىنىپ جاتقان, ياعني قازىرگى زاماناۋي كەلبەتى قالىپتاسپاعان بولاتىن. ايتسە دە, سول كەزدىڭ وزىندە-اق سارىارقانىڭ توسىندە ورىن تەپكەن قالانىڭ بولاشاعى جارقىن ەكەنىن انىق بايقادىق. ويتكەنى حالىقتىڭ ىستىق ىقىلاسى, قازاقستان پرەزيدەنتى نۇرسۇلتان نازارباەۆتىڭ باستامالارى ءبىزدى بۇعان سەنىمدى ەتتى.
قازىرگى تاڭدا استانا الەمدەگى ەڭ ادەمى قالالاردىڭ بىرىنە اينالىپ, حالىقارالىق ارەنادا ءوزىنىڭ بەدەلىن بيىكتەتىپ ۇلگەردى. شاھاردىڭ كوركى, ءزاۋلىم عيماراتتارى تاڭعالدىرادى. وسىنشا قىسقا مەرزىمدە ەلوردا سالۋ كەز كەلگەننىڭ قولىنان كەلەتىن شارۋا ەمەس. باتىستىڭ زاماناۋي قالالارى قازىرگى كەلبەتىنە جەتۋ ءۇشىن جۇزدەگەن جىلدار جۇمسادى. ال قازاقستان اينالدىرعان جيىرما جىلدىڭ ىشىندە الەم مويىنداعان الىپ شاھار سالىپ ۇلگەردى.
ازەربايجان حالقى اتىنان باۋىرلاس قازاق ەلىن مەرەيلى مەرەكە – استانا قالاسىنىڭ 20 جىلدىق مەرەيتويىمەن شىن جۇرەكتەن قۇتتىقتايمىن. ەلدەرىڭىز دامىپ, قالالارىڭىز كوركەيىپ, تاۋەلسىزدىكتەرىڭىز نىعايا بەرسىن!
انار رزاەۆ,
ازەربايجان جازۋشىلار وداعىنىڭ باسشىسى