استانا قالاسىنىڭ 20 جىلدىعىن مەرەكەلەۋ قارساڭىندا ءدىن ىستەرى كوميتەتىنىڭ توراعاسى ەركىن وڭعارباەۆتىڭ باسشىلىعىمەن ءدىني بىرلەستىكتەر وكىلدەرى باس قوستى.
«استانا – بەيبىتشىلىك پەن كەلىسىمنىڭ رۋحاني ورتالىعى» اتتى شاراعا ەلىمىزدەگى ءدىني بىرلەستىكتەر جەتەكشىلەرى مەن وكىلدەرى, ءدىن ىستەرى كوميتەتى, ۇلتتىق مۇراعات جانە مادەنيەتتەر مەن دىندەردىڭ حالىقارالىق ورتالىعى قىزمەتكەرلەرى قاتىستى.
كوميتەتى توراعاسى ە.وڭعارباەۆ ءوز سوزىندە: «بيىل استانانىڭ ەلوردا مارتەبەسىن العانىنا 20 جىل تولىپ وتىر. بۇل مەرەكە الەۋمەتتىك-ساياسي ماڭىزعا يە جانە شىن مانىندە قازاقستان حالقى ءۇشىن جالپىحالىقتىق بولىپ تابىلادى. ەلباسى ن.نازارباەۆتىڭ جۇرگىزىپ وتىرعان سىرتقى ساياساتى مەن تۇراقتى قامقورلىعى ارقاسىندا استانا – قازاقستاننىڭ مەملەكەتتىلىگىنىڭ جانە جاس مەملەكەتتىڭ تاۋەلسىزدىك شەجىرەسى ءبولىمىنىڭ ەڭ جارقىن باستى سيمۆولى, زاماناۋي برەندىنە اينالدى», دەپ ەلوردانىڭ جەتىستىكتەرىنىڭ ماڭىزدىلىعى تۋرالى باياندادى.
«نۇر استانا» ورتالىق مەشىتىنىڭ باس يمامى اسقار مۇقانوۆ قازاقستانداعى بەيبىتشىلىك پەن كەلىسىمدى قامتاماسىز ەتۋ تاجىريبەسى, سونداي-اق ءبىزدىڭ ەلىمىزدىڭ جانە ونىڭ پرەزيدەنتىنىڭ حالىقارالىق بەدەلى استانادا مادەنيەتتەر مەن الەمدىك دىندەر ديالوگىن ۇيىمداستىرۋعا مۇمكىندىك بەرگەنىن ايتتى. «استانا – بەيبىتشىلىك پەن كەلىسىمنىڭ توعىسقان جەرى جانە بەيبىت كەلىسسوزدەر مەن الەمدىك دىندەر ديالوگى الاڭى», دەدى ول.
استانا كيەلى وكرۋگىنىڭ وكىلى دميتري بايدەكتىڭ ايتۋىنشا, استانا – دىنارالىق ديالوگ مەكەنى. بيىل كۇزدە الەمدىك جانە ءداستۇرلى دىندەر جەتەكشىلەرى استانانىڭ رۋحاني سامميتىندە التىنشى رەت كەزدەسپەك. قازاقستان حالقى بۇكىل الەمگە ءوزىنىڭ بىرلىگى, تولەرانتتىلىعى, ءدىني توزىمدىلىگىن كورسەتتى.
قازاقستان ءدىني بىرلەستىكتەرىنىڭ وكىلدەرى استانانىڭ حالىقارالىق ديالوگ الاڭى رەتىندە ەرەكشە ماڭىزعا يە بولعانىن اتاپ ءوتتى.