الماتىدا وتكەن عۇسمان قوسانوۆتى ەسكە تۇسىرۋگە ارنالعان ءداستۇرلى جارىستا ەرلەر اراسىندا 400 مەترگە جۇگىرۋدەن ميحايل ليتۆين 34 جىل ساقتالعان قازاقستان رەكوردىن جاڭارتتى, دەپ دەپ حابارلايدى جەڭىل اتلەتيكا فەدەراتسياسى.
ليتۆين جەڭىسكە جەتىپ عانا قويماي, قازاقستاننىڭ رەكوردىن جاڭارتتى. 22 جاستاعى اتلەت 400 مەتردى 45.50 سەكۋندتا جۇگىرىپ ءوتتى.
ليتۆين العاشقى مەتردەن قارقىنىن ۇدەتىپ, قارسىلاستارىنان وق بويى وزىپ شىقتى. سوڭعى ساتكە دەيىن جىلدامدىعىن باسەڭدەتپەگەن سپورتشى مارەگە جەتكەندە 34 جىل بويى جاڭارماعان قازاقستان رەكوردىنا وزگەرىس ەنگىزدى. بۇعان دەيىنگى قازاقستان رەكوردى الەكساندر كۋروچكينگە تيەسىلى. ول 1984 جىلى اتالعان قاشىقتىقتى 45.52 سەكۋندتا جۇگىرىپ وتكەن. ال ميحايلدىڭ بۇعان دەيىنگى جەكە رەكوردى 46.08 سەكۋند بولعان. قوسانوۆ اتىنداعى تۋرنيردە 2015 جىلعى جەكە رەكورد بىردەن 0,58 سەكۋندقا جاڭاردى.