سەمەي قالاسى مەكتەپتەرىندەگى جازعى لاگەر وقۋشىلارىنىڭ قاتىسۋىمەن «دومبىرانىڭ قوڭىر ءۇنى» اتتى شارا وتكىزىلدى. شارا №5 تەرەڭدەتىلگەن, ءۇش تىلدە وقىتاتىن مەكتەپتىڭ وقۋشىسى بەيسەنباي نۇريسلامنىڭ ورىنداۋىندا «ارناۋ» جىرىمەن اشىلدى.
-دومبىرا قازاق حالقىنىڭ ەڭ تانىمال ۇلتتىق اسپابى,-دەدى ولكەتانۋ مۇراجايىنىڭ قىزمەتكەرى گۇلنار تورتانوۆا,-دومبىرادا تەك كۇي مەن تەرمە عانا ەمەس, سونىمەن قاتار ەپيكالىق جىرلار, اڭىز-كۇيلەر, تاريحي كۇيلەر, كلاسسيكالىق شىعارمالار دا ورىندالادى. سونىمەن قاتار كۇي ونەرىنىڭ نەگىزىن قالاعان قۇرمانعازى, دينا, داۋلەتكەرەي, تاتتىمبەت سياقتى ۇلى كۇيشىلەر دومبىرا اسپابىندا وتە شەبەرلىكپەن ويناعان.
جيىندا ورتالىق ساياباق قىزمەتكەرلەرى بالالارعا دومبىرامەن سازدى اندەر سىيلاسا, №5, 34, 47 مەكتەپتەردىڭ ونەرلى وقۋشىلارى تاماشا كۇيلەر شەرتىپ, شارانىڭ ءسانىن كىرگىزدى. شارا بارىسىندا ورتالىقتاندىرىلعان كىتاپحانا جۇيەسى قاتىسۋشىلاردىڭ نازارىنا «دومبىرا ءۇنى» اتتى سلايد-تۇساۋكەسەرىنىڭ كورسەتىلىمىن ۇسىندى. بۇندا دومبىراعا قاتىستى ەكسپوناتتىق بۇيىمدار مەن ادەبيەتتەرگە شولۋ جاسالىپ, كىشكەنتاي وقىرماندار «اقساق قۇلان» ءمۋلتفيلمىن تاماشالادى.
راۋشان نۇعمانبەكوۆا,
سۋرەتتەر اۆتوردىكى.
سەمەي.