پورتۋگاليانىڭ «سپورتينگ» كلۋبى كوماندانىڭ باس جاتتىقتىرۋشىسى سينيشا ميحايلوۆيچپەن اراداعى كەلىسىمشارتىن بۇزدى. بۇل تۋرالى كلۋبتىڭ رەسمي سايتى مالىمدەدى.
«سپورتينگ» سينيشا ميحايلوۆيچپەن 18 ماۋسىم كۇنى كەلىسىمشارتقا وتىرعانىمەن, كلۋبتىڭ جاڭا پرەزيدەنتى سوۋزا سينترا سەربيالىق مامانمەن اراداعى كەلىسىمشارتتى بۇزدى. سينترانىڭ ايتۋىنشا, باس جاتتىقتىرۋشىمەن 10 كۇننىڭ ىشىندە كەلىسىمشارتىن بۇزۋىنىڭ باستى سەبەبى – ميحايلوۆيچ كوماندانىڭ الداعى ماۋسىمنىڭ جوسپارىنا ەنبەگەنى.
كلۋب پرەزيدەنتى اپتا سوڭىنا دەيىن كوماندانىڭ جاڭا باس باپكەرىنىڭ ەسىمىن جاريالايتىنىن مالىمدەگەن.
كەزدەسۋ ۋاقىتى جاريالاندىامەريكالىق BoxingScene باسىلىمىنىڭ جازۋىنشا اۋىر سالماقتاعى WBA/IBF/WBO بەلبەۋىنىڭ يەگەرى بريتانيالىق ەنتوني دجوشۋا (21-0, 20 كو) مەن WBA بەلدىگىنەن ۇمىتكەر رەسەيلىك الەكساندر پوۆەتكين (34-1, 24 كو) اراسىنداعى جەكپە-جەك 22 قىركۇيەكتە بريتانيادا وتەدى دەپ جوسپارلانعان.
بۇعان دەيىن WBA دجوشۋانىڭ كومانداسىن 24 ساعاتتىڭ ىشىندە پوۆەتكينمەن جەكپە-جەك وتكىزۋگە مىندەتتەگەن بولسا, ەنتونيدىڭ پروموۋتەرى ەددي حەرن ءوزىنىڭ ءبىر سۇحباتىندا الەكساندرمەن كەلىسىمگە كەلۋگە جاقىنبىز دەپ مالىمدەگەن ەدى. «ەگەر ءبارى جوسپار بويىنشا وتەتىن بولسا, دجوشۋا-پوۆەتكين جەكپە-جەگىن قىركۇيەك ايىندا وتكىزەمىز. بۇل ايقاستان سوڭ ۋايلدەرمەن كەزدەسەمىز, ەگەر ول كەلىسىمشارتقا قول قويسا», دەيدى ەددي.
ايتا كەتەيىك, ەگەر دجوشۋا-پوۆەتكين جەكپە-جەگى ۇيىمداستىرىلاتىن بولسا, بۇل ايقاس اقش-تا تۇڭعىش رەت DAZN جۇيەسى ارقىلى تىكەلەي ەفيردە ۇسىنىلماق.
«ميلان» ەۋروكۋبوكتان شەتتەتىلدىيتاليانىڭ «ميلان» كلۋبى قارجىلاي Fair Play ەرەجەسىنە باعىنباعانى ءۇشىن ۋەفا تاراپىنان جازاعا تارتىلدى.
ۋەفا رەسمي سايتىنىڭ تاراتقان مالىمەتىنە قاراعاندا, «روسسونەريلەر» الداعى ەكى جىل كولەمىندە ەۋروكۋبوك باسەكەلەرىنەن شەتتەتىلدى. وسى ماسەلەگە وراي, «ميلان» كومانداسى ءبىر كۇن وتكەن سوڭ سوتقا اپەللياتسيالىق شاعىم بەرگەن. كوماندا باسشىلارىنىڭ ايتۋىنشا, اپەللياتسيادان كەيىن ۋەفا جازا مەرزىمىن ەكى جىلدان ءبىر جىلعا دەيىن شەگەرۋىنە ءۇمىت بىلدىرۋدە.
ايتا كەتەيىك, يتاليا «ا» سەرياسىنىڭ وتكەن ماۋسىمىندا «ميلان» كومانداسى التىنشى ورىن يەلەنىپ, ەۋروپا ليگاسىنىڭ توپتىق كەزەڭىنە جولداما العان بولاتىن. ەندى بۇل جولداما «فيورەنتينا» كومانداسىنا بەرىلەدى.
دايىنداعان ءالي بيتورە, «ەگەمەن قازاقستان»