اقپارات جانە كوممۋنيكاتسيالار ءمينيسترى داۋرەن اباەۆ بايلانىس جانە اقپارات سالاسىنىڭ قىزمەتكەرلەرىن كاسىبي مەرەكەسىمەن قۇتتىقتادى. مينيستر قۇتتىقتاۋ ءسوزىن فەيسبۋك الەۋمەتتىك جەلىسىندەگى پاراقشاسىندا جاريالادى.
«قۇرمەتتى ارىپتەستەر! سىزدەردى بۇگىنگى بايلانىس جانە اقپارات سالاسىنىڭ قىزمەتكەرلەرى كۇنىمەن شىن جۇرەكتەن قۇتتىقتايمىن! رەسپۋبليكالىق, ايماقتىق, اۋداندىق باسىلىمدار, تەلەارنا ماماندارى جانە بايلانىسشىلار مەن پوشتا قىزمەتكەرلەرى ەل يگىلىگىن ارتتىرۋعا ۇلكەن ۇلەس قوسىپ وتىر. ءبىزدىڭ ەلىمىزدەگى عانا ەمەس دۇنيەجۇزىندەگى وقيعالاردان انىق اقپارات الاتىن مۇمكىندىگىمىز بار. ول ەڭ الدىمەن سىزدەردىڭ ەڭبەكتەرىڭىزدىڭ وڭ ناتەجيەسى», دەگەن مينيستر بارشا جازارمان قاۋىمعا تابىس تىلەدى.