«نۇر وتان» پارتياسى جىل سايىنعى جۋرناليستەر اراسىنداعى «نۇر سۇڭقار» رەسپۋبليكالىق بايقاۋىنىڭ جەڭىمپازدارىن ماراپاتتادى. بۇل بايقاۋ وسىمەن توعىزىنشى مارتە ۇيىمداستىرىلىپ وتىر.
بايقاۋ كوميسسياسى تاعايىنداۋىمەن «ەگەمەن قازاقستان» باس رەداكتوردىڭ ورىنباسارى سەيفوللا شايىنعازى ء«سوز زەرگەرى» - گازەتتىڭ ەڭ ۇزدىك ءجۋرناليسى اتاندى.
سەيفوللا شايىنعازى 1955 جىلى 3 اقپاندا قوستاناي وبلىسىنىڭ ناۋىرزىم اۋدانىندا تۋعان. 1972 جىلى «كۋستانايسكي كومسومولەتس» كەڭشارىنداعى مەرەكە ورتا مەكتەبىن بىتىرگەن سوڭ كەڭەس ارمياسى قاتارىندا اسكەري بورىشىن وتەدى.
1996 جىلى رەسپۋبليكالىق «ەگەمەن قازاقستان» گازەتىنىڭ اقمولا وبلىسى بويىنشا مەنشىكتى ءتىلشىسى بولىپ جۇمىسقا تۇردى. كەيىن رەداكتسيا الماتىدان استاناعا قونىس اۋدارعان سوڭ رەداكتسيادا شولۋشى, ءبولىم مەڭگەرۋشىسى بولىپ قىزمەتتەر ىستەدى. بۇگىندە وسى گازەتتە باس رەداكتوردىڭ ورىنباسارى بولىپ قىزمەت اتقارادى. بىرنەشە كىتاپتاردىڭ اۆتورى. «قۇرمەت» وردەنىمەن ماراپاتتالعان, قازاقستاننىڭ ەڭبەك سىڭىرگەن قايراتكەرى.