بۇگىن مەملەكەت باسشىسىنىڭ تاپسىرماسى بويىنشا قر پرەمەر-ءمينيسترى باقىتجان ساعىنتاەۆ وڭىردە پرەزيدەنتتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك», ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋلارى مەن «بەس الەۋمەتتىك باستاماسىنىڭ» ىسكە اسىرىلۋ بارىسىمەن تانىسۋ ءۇشىن اقمولا وبلىسىنا جۇمىس ساپارىمەن باردى, دەپ حابارلايدى ۇكىمەتتىڭ رەسمي سايتى.
اقمولا وبلىسى — ەلىمىزدىڭ نەگىزگى اگرارلىق–ونەركاسىپتىك وڭىرلەرىنىڭ ءبىرى. باقىتجان ساعىنتاەۆ وڭىرگە كەلگەننەن كەيىن «قازاقستاننىڭ اگرو يننوۆاتسيالىق كورپوراتسياسى» جشس اۋىل شارۋاشىلىعى جانە كوممۋنالدىق تەحنيكانىڭ يندۋستريالىق-تەحنولوگيالىق پاركىندە بولدى. قايك جۇمىسىنىڭ مىسالىندا پرەمەر-مينيستر وڭىردە يندۋستريالىق-يننوۆاتسيالىق دامۋ مەملەكەتتىك باعدارلاماسىنىڭ ىسكە اسىرىلۋ بارىسىمەن, سونداي-اق وبلىستىڭ كاسىپورىندارىندا تسيفرلىق تەحنولوگيالار مەن يندۋستريا 4.0 ەلەمەنتتەرىن ەنگىزۋ شارالارىمەن تانىستى.
اكىمدىكتىڭ مالىمەتى بويىنشا, اقمولا وبلىسىنداعى ونەركاسىپ ءوندىرىسىنىڭ كولەمى وسى جىلدىڭ قاڭتار-مامىر ايلارىندا 244,8 ملرد تەڭگەنى, نكي ونىمدەرى — 2017 جىلعى ءتيىستى كەزەڭمەن سالىستىرعاندا 102,8% قۇرادى. جالپى سەگىز جىل ىشىندە يندۋستريالاندىرۋ كارتاسى اياسىندا 79 ينۆەستيتسيالىق جوبا جۇزەگە اسىرىلىپ, 7,9 مىڭ جۇمىس ورنى اشىلدى. 2018 جىلى 53,4 ملرد تەڭگە سوماسىنا 1330 جاڭا تۇراقتى جۇمىس ورنىن اشۋمەن التى جوبا جوسپارلانعان. بۇدان وزگە, 2018 جىلدان كەيىن پايدالانۋعا بەرۋ مەرزىمىمەن, 473,5 ملرد تەڭگە سوماسىنا, 3 مىڭ جاڭا جۇمىس ورنىن قۇرۋمەن ءتورت جوبا بويىنشا جۇمىس جالعاسىن تاپپاق.
بۇگىنگى تاڭدا مەتاللۋرگيا, ماشينا جاساۋ, حيميا جانە ازىق-ت ۇلىك ونەركاسىبى, قۇرىلىس يندۋسترياسى سالاسىنداعى 20-عا جۋىق ءىرى كومپانيالار ونىمدىلىك قۋاتىن ۇلعايتىپ, جۇمىس پروتسەستەرىن وڭتايلاندىرۋعا مۇمكىندىك بەرەتىن جاڭا تسيفرلىق تەحنولوگيالاردى ەنگىزىپ جاتىر.
تسەحتى ارالاۋ بارىسىندا پرەمەر-مينيستر اۋىل شارۋاشىلىعى تەحنيكاسىن قۇراستىرۋدىڭ تەحنولوگيالىق ۇدەرىسىمەن تانىستى. «قازاقستاندىق اگرو يننوۆاتسيالىق كورپوراتسيا» جشس ديرەكتورى و. بالىبين يدمب اياسىندا ىسكە قوسىلعان زاۋىت 2017 جىلى 698 ملن تەڭگە سوماسىنا 507 بىرلىك اۋىل شارۋاشىلىعى تەحنيكاسىن شىعارعانىن; 2018 جىلدىڭ ءۇش ايىندا 265 ملن تەڭگەگە 208 بىرلىك تەحنيكا شىعارىلعانىن مالىمدەدى.
ۇكىمەت جىل سايىن اوك-ءتىڭ تەحنيكالىق جابدىقتالۋ دەڭگەيىن كوتەرۋگە كوڭىل بولەدى. وتكەن جىلى جالپى 32,6 ملرد تەڭگە سوماسىنا 288 تراكتور, 263 جوعارى ءونىمدى استىق جيناۋ كومباينى جانە 88 ەگىس كەشەنى ساتىپ الىندى. تەحنيكانىڭ نەگىزگى تۇرلەرى بويىنشا جاڭارۋ پايىزى 2,6% قۇرادى. وسى جىلدىڭ بەس ايىندا 576 بىرلىك اۋىل شارۋاشىلىعى تەحنيكاسى ساتىپ الىندى, ونىڭ ىشىندە 101 تراكتور, 29 كومباين, 53 ەگىس كەشەنى — 7,5 ملرد تەڭگەگە. اۋىل شارۋاشىلىعى تەحنيكاسىن سۋبسيديالاۋعا 3,4 ملرد تەڭگە قاراستىرىلعان.
ءوڭىردىڭ اوك دامىتۋ بارىسىمەن تانىسۋ «بيجان ەت وڭدەۋ زاۋىتى» جشس نىسانىندا جالعاسادى, وندا ب. ساعىنتاەۆقا پرەزيدەنتتىڭ دايىن اۋىل شارۋاشىلىعى ءونىمىنىڭ ەكسپورتىن ۇلعايتۋ جونىندەگى تاپسىرماسىنىڭ ورىندالۋى تۋرالى باياندايدى.
وبلىستىڭ اگرارشىلارىمەن كەزدەسۋدە اوك دامىتۋدىڭ جانداندىرىلعان مەملەكەتتىك باعدارلاماسى اياسىندا ۇسىنىلاتىن, اۋىل شارۋاشىلىعى تاۋارىن وندىرۋشىلەردى قولداۋدىڭ جاڭا مۇمكىندىكتەرى, قۇرالدارى مەن تەتىكتەرى, سونداي-اق ەلوردانىڭ ازىق-ت ۇلىك بەلدەۋىن قامتاماسىز ەتۋ بويىنشا قابىلدانىپ جاتقان شارالار تالقىلانادى.
سونداي-اق, جۇمىس ساپارى بارىسىندا بىرقاتار ونەركاسىپتىك جانە الەۋمەتتىك نىسانداردى ارالاۋ جوسپارلانعان.
ماسەلەن, №1 قالالىق ەمحانانى تەكسەرۋ كەزىندە باقىتجان ساعىنتاەۆ ءوڭىردىڭ دەنساۋلىق ساقتاۋ جۇيەسىن تسيفرلاندىرۋ بارىسىمەن تانىسادى. وبلىستىڭ مەديتسينا سالاسىنىڭ قىزمەتكەرلەرىمەن كەزدەسۋدە مەديتسينالىق قىزمەتتەردىڭ ساپاسى, سالانى قايتا رەتتەۋ جانە جەكە قىزمەت كورسەتۋ سەكتورىن دامىتۋ ماسەلەلەرى تالقىلانادى.
ب. ساعىنتاەۆقا حالىققا قىزمەت كورسەتۋ ورتالىعىندا ۇسىنىلاتىن مەملەكەتتىك قىزمەتتەردى اۆتوماتتاندىرۋ مىسالدارىن, سونداي-اق «تسيفرلىق قازاقستان» مەملەكەتتىك باعدارلاماسىنىڭ وڭىرلىك جوبالارىن ۇسىنادى.
پرەمەر-ءمينيستردىڭ جۇمىس ساپارى وبلىس اكىمدىگىندە بيزنەس وكىلدەرىمەن جانە اكتيۆپەن وتەتىن كەڭەسپەن ءتامامدالادى. وندا وسى جىلدىڭ بەس ايىندا اتقارىلعان جۇمىس قورىتىندىلارى مەن پرەزيدەنتتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك», ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋلارى مەن «بەس الەۋمەتتىك باستاماسىندا» ەسكەرىلگەن مىندەتتەردى شەشۋ بويىنشا الداعى جوسپارلار تالقىلانادى.
ەسكە سالا كەتەيىك, باقىتجان ساعىنتاەۆ مەملەكەت باسشىسىنىڭ تاپسىرماسى بويىنشا قازاقستان وڭىرلەرىن جۇمىس ساپارىمەن ارالاپ ءجۇر. بۇعان دەيىن اتىراۋ, قاراعاندى, قوستاناي, قىزىلوردا, ماڭعىستاۋ جانە وڭتۇستىك قازاقستان وبلىستارىنا جۇمىس ساپارىمەن بارىپ قايتتى.