بۇگىن قازاقستاندا بەسىنشى رەت مەملەكەتتىك قىزمەتشى كۇنى اتالىپ وتەدى. بۇل اتاۋلى كۇننىڭ تاريحى بىرىككەن ۇلتتار ۇيىمىنان باستاۋ الادى. 2002 جىلدىڭ 20 جەلتوقسانىندا بىرىككەن ۇلتتار ۇيىمىنىڭ باس اسسامبلەياسى 23 ماۋسىمدى بۇۇ-نىڭ مەملەكەتتىك قىزمەتشىسى كۇنى دەپ جاريالاۋ قارارىن قابىلداپ, وعان مۇشە ءار مەملەكەتتى دە وسىعان بايلانىستى ءبىر كۇندى بەلگىلەۋگە شاقىردى.
2013 جىلدىڭ 20 جەلتوقسانىندا قازاقستان رەسپۋبليكاسى پرەزيدەنتىنىڭ №716 قاۋلىسىمەن 23 ماۋسىم - مەملەكەتتىك قىزمەتشى كۇنى بولىپ بەكىتىلدى. بۇگىنگى تاڭدا ەلىمىزدە 98 مىڭعا جۋىق مەملەكەتتىك قىزمەتشى تابىستى ەڭبەك ەتىپ ءجۇر. ەكونوميكالىق ىنتىماقتاستىق جانە دامۋ ۇيىمى ساراپشىلارىنىڭ باعالاۋى بويىنشا, قازاقستاننىڭ مەملەكەتتىك قىزمەت جۇيەسى جاھاندىق ستاندارتتارعا ساي كەلەدى, ال مەملەكەتتىك اپپاراتتىڭ «قارتايۋى» جانە گەندەرلىك تەڭسىزدىك كورسەتكىشتەرى جونىنەن ىلگەرىلەۋشىلىك بايقالادى.
2015 جىلدان بەرى قازاقستانداعى كادرلاردىڭ اۋىسۋى ەكى ەسەگە قىسقارعان (2015 جىلى 11,2%, 2017 جىلى - 6,2%). باقىلاۋشىلار مەن ساراپشىلار ينستيتۋتىنىڭ ارقاسىندا ىرىكتەۋ بارىسى اناعۇرلىم اشىق جانە ترانسپارەنتتى بولا تۇسكەن. سونداي-اق, قازاقستاندا مانساپتىق جولدا وسكەن مەملەكەتتىك قىزمەتشىلەر سانى 4 ەسەگە ارتقان.