ريمدە قازاقستاندىق فيلمدەر كورسەتىلدى

كورسەتىلىم الدىندا كو­رەر­­مەنگە قازاقستان تۋرالى اڭگىمە­لەگەن ەلشىلىك وكىل­دەرى, سونداي-اق يتاليا­نىڭ مادەنيەت جانە ونەر قاي­راتكەرلەرى قازاقستان مەن اس­تانا قالاسىنىڭ دامۋى دەڭ­­گەيىنە جانە وتاندىق كينە­ماتو­گرافيا سالاسىنا جوعارى باعا بەردى. 

يتاليان تىلىندە سۋبتيتر­لەرى بار ءفيلمدى تاماشالاعان كورەر­مەن­دەر قازاق حالقىنىڭ تاري­حىنا قىزىعۋشىلىقتارىن ءبىل­دىردى. ايتا كەتسەك, ءريمنىڭ تاري­­حي اۋداندارىنىڭ بىرىندە ورنا­­لاسقان Casa del Cinema كينو­تەاترىن­دا بۇل كۇنى بوس ورىن بولمادى. جينالعان ونەر­سۇيەر قاۋىم وتاندىق كينوتۋىندىلاردى جىلى قابىل­داپ, بۇدان كەيىن دە قازاق مادەنيەتى جانە ونەرىمەن ەتەنە تانىسقىسى كەلەتىن نيەتىن ءبىلدىردى. 

قازاق حاندىعىنىڭ 550 جىل­­دى­عىنا وراي تۇسىرىلگەن «قا­زاق حاندىعى» سەريالىنىڭ كينو­نۇس­قاسى – «الماس قى­لىش» ءفيلمى قازاق­ستان تاۋەل­سىزدىگىنىڭ 25 جىل­دىعىنا وراي ەڭ العاش استانا قالاسىندا كور­سە­تىلگەن بولاتىن. اۋقىم­دى جوبانىڭ يدەياسى ەل پرە­­زيدەنتى ن.نازارباەۆقا تيەسىلى. تا­­ريحي فيلمدەر تۇسىرۋدەن تا­جى­ريبەسى تولىسا باستاعان قازاق­ستاندىق رەجيسسەرلەردىڭ ۇلت­تىق تانىم مەن قازاقى قاي­نارعا تولى تۋىن­دىسىمەن تانىسقان سوڭ يتا­ليالىقتار مەملەكەت قۇرعان اي­بار­­لى حالىق­تىڭ ەرلىگىنە قۋانا قول سوقتى. 

اعىلشىن جازۋشىسى دجە­رەمي ۆيلسوننىڭ قازاقستان پرە­­زيدەنتى نۇرسۇلتان نازارباەۆتىڭ ءومىربايانىن جازۋ ءۇشىن ونىمەن كەزدەسۋگە قول جەتكىزىپ قانا قوي­ماي, بۇل سۇحباتتىڭ سوڭى بۇ­كىل ەلدى ارالاۋعا, تاريحقا كوز جۇ­گىرت­كەن ۇزاق ۋاقىتقا سوزىل­عان قىزىققا تولى ساياحاتپەن ۇشت­اس­قانىنا يتاليالىقتار «جۇل­دىز­دار توعىسقاندا» ءفيل­مى ارقى­لى كۋا بولىپ, تاۋەل­سىز جاس مەم­­لە­كەت­تىڭ قالىپ­­­تاسۋىنىڭ كور­كەم شە­جىرە­سىن از ۋاقىتتا شولىپ شىقتى. 

ال رومانتيكالىق كومە­ديا­نى جوعارى باعا­لايتىن يتاليالىق­تار ۇلتتىق داس­تۇرگە نەگىز­دەل­گەن, ىزگىلىككە تولى «ون التى قىز» فيل­مىنەن وزدەرى ءۇشىن سونى جا­­ڭالىق تاۋىپ, عاجاپ اسەرگە بو­­لەن­­گەندەرىن جارىسا جەتكىزىپ جاتتى.

كورسەتىلىمنەن كەيىن قوناق­­تار قازاقستان مەن استانا قالاسى تۋ­­رالى دايىن­دالعان وتاندىق يميدج بەينەماتەريالداردى تاما­­شالادى. 

ايگۇل احانبايقىزى, «ەگەمەن قازاقستان»

الماتى