بۇگىن ۇبت باستالدى

بۇل جىلدار ىشىندە ۇبت-عا 1,5 ملن-نان استام مەكتەپ ءبىتىرۋشى قاتىسقان. 2017 جىلعا دەيىن ۇبت ءۇش فۋنكتسيا­نى اتقاردى. اتاپ ايتقاندا 11 جىلدىق وقۋدى اياقتاۋ قورى­تىندىسى رەتىندەگى ءبىتىرۋ ەمتيحانى, جوعارى وقۋ ورىندارىنا ءتۇسۋ ەمتيحانى جانە تۇلەكتەرگە مەملەكەتتىك گرانتتاردى تاعايىنداۋ مەحانيزمى. بىلتىردان باستاپ ۇبت-نىڭ جاڭا فورماتى ەنگىزىلگەنى ءما­لىم. ياعني قورىتىندى اتتەستات­تاۋ نەمەسە ءبىتىرۋ ەمتيحاندارى مەكتەپتەردە وتكىزىلەدى دە, ۇبت جوعارى وقۋ ورنىنا ءتۇسۋ جانە مەملەكەتتىك گرانتتاردى تاعايىنداۋ ەمتيحانى بولىپ قالا بەرەدى. وسى جىلعى ۇبت فورماتىندا وزگەرىس جوق. ال تەست سۇراقتارى 50 پايىزعا جاڭار­تىلدى.

بيىل ۇبت-عا قاتىسۋعا ءوتى­­نىش بەرگەن مەكتەپ بىتىرۋ­شى­لەردىڭ سانى – 102 442 (70%). ونىڭ ىشىندە 77 مىڭ (76%) تۇلەك قازاق تىلىندە, 25 مىڭ (24%) تۇلەك ورىس تىلىندە تاپسىرادى. بىلتىرعى جىلمەن سالىستىرعاندا ۇبت تاپ­سىرۋعا ءوتىنىش بەرگەن مەكتەپ بىتىرۋشىلەردىڭ سانى 10 مىڭعا ءوسىپ وتىر. سايكەسىنشە قازاق تىلىندە تاپسىراتىن بالالاردىڭ سانى 5%-عا ءوستى. مەكتەپ بىتىرۋشىلەرگە العاش رەت تەستىلەۋدى اعىلشىن تىلىندە تاپسىرۋ مۇمكىندىگى بەرىلەدى. بيىل ءبىلىم جانە عىلىم مي­نيسترلىگى ۇبت ناتيجەلەرى بو­يىنشا مەكتەپتەر رەيتينگىن جۇرگىزبەيدى. تۇلەكتەردىڭ ۇبت-عا دايىندىعى ءۇشىن سىنامالىق ونلاين تەستىلەرىنىڭ فۋنكتسيونالى جەتىلدىرىلدى. ەندى ودان ۇيدە وتىرىپ-اق وتۋگە بولادى. بۇگىنگە دەيىن 145 مىڭ رەت ونلاين-تەست تاپسىرىلعان.

تەست تاپسىرۋشىلارعا ار­نالعان جاعدايدى جاقسارتۋ ماقساتىندا بيىل ءار تۇلەككە ۇبت سەرتيفيكاتىمەن بىرگە بەيىندىك پاندەردىڭ كومبيناتسياسى بار اقپاراتتىق پاراقشا بەرىلەدى. سونداي-اق قانداي مامان­دىقتارعا بارۋعا بولاتىنى تۋرالى ماماندىقتار ءتىزى­مى ۇسىنىلادى. ال ۇبت-عا دالەلدى سەبەپپەن قاتىسا ال­ماعان جاعدايدا كەلەسى لەكتە تاپسىرۋ نەمەسە كەشەندى تەس­تىلەۋ تاپسىرۋ مۇمكىندىگى بار. سونىمەن بىرگە ەرەكشە ءبىلىم الۋ قاجەتتىلىگى بار بالالار جەكە كومەكشىمەن نەمەسە سۋردواۋدارماشى ماماندارمەن قامتاماسىز ەتىلەدى. قازاقستان بويىنشا تەگىن قوڭىراۋ جاساۋعا بولاتىن بىرىڭعاي call-ورتالىق ىسكە قوسىلدى.

«ەگەمەن-اقپارات»