«نۇر وتان» پارتياسى سايلاۋالدى باعدارلاماسى «يندۋستريالىق دامۋ» باعىتى بويىنشا ساراپتاما كوميسسياسىنىڭ مۇنايلى اۋدانىنداعى كوشپەلى وتىرىسى ءوتتى. وتىرىستا «قازاقستان رەسپۋبليكاسىنىڭ 2015-2019 جىلدارعا ارنالعان يندۋستريالىق-يننوۆاتسيالىق دامۋى جونىندەگى مەملەكەتتىك باعدارلاماسىنىڭ مۇنايلى اۋدانىندا جۇزەگە اسىرىلۋ بارىسى تۋرالى» تىلقىلاندى.
كوميسسيا وتىرىسىنا وبلىستىق پارتيا فيليالى توراعاسى ءبىرىنشى ورىنباسارى نۇري تۋمىشەۆ, «نۇر وتان» پارتياسى ماڭعىستاۋ وبلىستىق فيليالىنداعى «يندۋستريالىق دامۋ» ساراپتاما كوميسسياسىنىڭ پارتيالىق كۋراتورى, وبلىستىق ءماسليحاتتىڭ دەپۋتاتى ابزال مەڭدىباەۆ, وبلىستىق, اۋداندىق ءماسليحاتتاردىڭ دەپۋتتارى, وبلىستىق كاسىپكەرلەر پالاتاسىنىڭ, وبلىستىق يندۋستريالىق-يننوۆاتسيالىق دامۋ باسقارماسىنىڭ وكىلدەرى, اۋداندىق پارتيا ارداگەرلەر كەڭەسى قاتىستى.
«قازاقستان رەسپۋبليكاسىنىڭ 2015-2019 جىلدارعا ارنالعان يندۋستريالىق-يننوۆاتسيالىق دامۋى مەملەكەتتىك باعدارلاماسىنىڭ مۇنايلى اۋدانىندا جۇزەگە اسۋ بارىسى تۋرالى» مۇنايلى اۋداندىق كاسىپكەرلىك ءبولىمىنىڭ باسشىسى داستان ياحيا ۇلى مۇراتاليەۆ ايتتى.
-2015-2019 جىلدارعا ارنالعان ينۆەستيتسيالاردى تارتۋ شارالارى اياسىندا وڭىرگە كەلگەن ءىرى ينۆەستيتسيالىق جوبالاردى قولداۋ ماقساتىندا كاسىپكەرلىكتى قولداۋ كارتاسى جاساقتالىپ, ەنگىزىلىپ وتىرادى. بۇگىنگى كۇنگە دەيىن كاسىپكەرلىكتى قولداۋ كارتاسىنا 24 جوبا ەنگىزىلدى. جوبالاردىڭ جالپى قۇنى 500,1 ملرد. تەڭگەنى قۇرايدى. جوسپارلانعان جۇمىس ورىندار سانى 3 263 ورىن. 24 جوبانىڭ ىشىندە 8 جوبا شەت ەلدىك ينۆەستورلاردىڭ ۇلەسىمەن جۇزەگە اسىرىلۋدا. اتالعان كارتاعا مۇنايلى اۋدانىنان 2 جوبا ەنگىزىلگەن بولاتىن. ولار: «ماڭعىستاۋ قۇس» جشس-ڭ قۇس فابريكاسى جانە «بەست گرۋپپ» جشس-ڭ كۇن ەلەكتر ستانتسياسى,- دەدى ول.
وعان قوسا, داستان مۇراتاليەۆتىڭ ايتۋىنشا, كارتاعا ەنگەن 2 جوبا: «بەست گرۋپپ» جشس-ڭ كۇن ەلەكتر ستانتسياسى قۇرىلىسى 2018 جىلدىڭ ءساۋىر ايىندا ءبىتىپ, ىسكە قوسىلعان بولسا, «ماڭعىستاۋ قۇس» جشس-ڭ قۇس فابريكاسىنىڭ قۇرىلىسى 2019 جىلدىڭ ءى توقسانىندا اياقتالادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى