بۇل تۋرالى وبلىس اكىمى ارحيمەد مۇحامبەتوۆ اۋدان, قالا اكىمدەرىمەن بولعان سەلەكتورلىق ماجىلىستە ايتتى.
وبلىستا جىل باسىنان بەرى 21 IT-تەحنولوگيا كابينەتتەرى اشىلدى. جىل اياعىنا دەيىن ولاردىڭ سانىن 42-گە جەتكىزۋ جوسپارلانىپ وتىر. وبلىس باسشىسى الداعى ەكى جىلدا تاعى دا جىل سايىن 20 كابينەتتەن اشۋ كەرەكتىگىن ايتتى.
«اۋدان, قالا اكىمدەرى تسيفرلاندىرۋ جۇمىستارىنا, ءىت, روبوت تەحنيكالارى سىنىپتارىن اشۋعا بارىنشا كوڭىل قويۋى كەرەك. مۇمكىندىگىنشە قارجىنى وسى ىسكە باعىتتاعان دۇرىس. مۇنداي ماڭىزدى ىستە ۋاقىت تالابىنان قالىپ قويماۋ ءۇشىن دە قولعا العان شارانى تەزىرەك جۇزەگە اسىرامىز» دەدى ارحيمەد بەگەجان ۇلى.
تسيفرلاندىرۋ, وعان جاس ۇرپاقتى باعىتتاۋ جانە مامان دايىنداۋ ءىسىن قازىردەن باستاۋ تەك كابينەتتەر اشۋمەن شەكتەلىپ قالمايدى. ءوڭىر باسشىسى قوستاناي قالاسىندا مەكتەپ وقۋشىلارىنا, جاستارعا ارنالعان SMART-ورتالىق سالىناتىنى تۋرالى مالىمدەدى. ونىڭ ورنى 1000 شارشى مەتردەي بولادى, وعان ءىت تەحنولوگيا قۇرالدارىنىڭ 30 ءتۇرى سىيىپ كەتەدى. وسى جاڭا قۇرىلىستى جوبالاۋعا قازىردىڭ ءوزىن دە قارجى سالىندى.
ارحيمەد بەگەجان ۇلىنىڭ ايتۋىنشا, 2020 جىلى قوستانايدا تسيفرلاندىرۋ تاقىرىبىنا شەكارالىق وبلىستار فورۋمىن وتكىزۋ جوسپارلانعان. سول القالى باسقوسۋ بۇگىن جوبالانىپ جاتقان SMART-ورتالىقتا وتەتىن بولادى.
ءنازيرا جارىمبەت,
«ەگەمەن قازاقستان»
قوستاناي