جىل باسىنان وڭىردەگى ەكىنشى دەڭگەيلى 16 بانكتىڭ فيليالدارى مەن ولاردىڭ 47 قۇرىلىمدىق بولىمشەلەرى حالىققا 108,8 ميلليارد تەڭگە نەسيە بەردى.
بۇل وتكەن جىلمەن سالىستىرعاندا 12,6 پايىزعا كوپ. سونداي – اق دەپوزيتتەر سانى دا دا 22, 7 پايىزعا ارتىپ وتىر.
ۇلتتىق بانك وبلىستىق فيليالى ديرەكتورىنىڭ ورىنباسارى دياس مەلستىڭ مالىمدەۋىنشە رەسپۋبليكا بويىنشا جالپى كولەمدەگى وبلىستىڭ نەسيە سالىمىنىڭ ۇلەسى 0,86 پايىزدى قۇرايدى. دەپوزيتتەردىڭ كولەمى 22,7 پايىزعا كوبەيىپ, 152,6 ميلليارد تەڭگە بولدى. بانك سەكتورىنىڭ رەسۋرستىق بازاسىن تولتىرۋدىڭ نەگىزگى كوزى تۇرعىنداردىڭ سالىمدارىنان قۇرالادى.
دەپوزيتتەر بويىنشا دوللارلانۋ دەڭگەيى 25,4 پايىزعا تومەندەگەن. تۇرعىنداردىڭ جان باسىنا شاققانداعى سالىمى– 257 مىڭ تەڭگە. وبلىستىڭ ۆاليۋتا نارىعىنا كەلەر بولساق, جىل باسىنان «قازپوشتا» اق جانە ەدب فيليالدارىنىڭ 105 اقشا ايىرباستاۋ پۋنكتتەرى تاراپىنان 7,3 ميلليون اقش دوللارىنىڭ, 1,97 ميلليون ەۋرونىڭ جانە 2 831,3 ميلليون. رەسەي ءرۋبلىنىڭ تازا ساتىلىمدارى جۇرگىزىلگەن. سونداي – اق تولەم كارتوچكالارىنىڭ قولدانىلۋ اياسى كەڭەيىپ كەلەدى.
«تولەمدى كارتوچكا ارقىلى تۇتىنۋشىلاردىڭ سانى 357 مىڭ ادامنان استى. بيىلدان باستاپ «Invest Online» ءموبيلدى قوسىمشاسى قولدانىسقا ەنگىزىلگەلى تۇرعىندار باعالى قاعازداردى ساتۋ جانە ساتىپ الۋ مۇمكىندىگىنە يە بولدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى