مەملەكەت باسشىسىنىڭ وكىمىمەن ارمان ءادىلحان ۇلى جۇدەباەۆ قۇرمانعازى اتىنداعى قازاق ۇلتتىق كونسەرۆاتورياسىنىڭ رەكتورى قىزمەتىنە تاعايىندالدى. بۇل تۋرالى اقوردانىڭ رەسمي سايتى حابارلايدى.
ارمان ءادىلحان ۇلى 1986 جىلى 17 قىركۇيەكتە الماتى وبلىسى قاپشاعاي قالاسىندا دۇنيەگە كەلگەن. احمەت جۇبانوۆ اتىنداعى دارىنداعى بالالارعا ارنالعان مۋزىكالىق ورتا مەكتەپ ينتەرناتىنىڭ تۇلەگى.
2004 جىلى قۇرمانعازى اتىنداعى قازاق ۇلتتىق كونسەرۆاتورياسىنىڭ حالىق مۋزىكا فاكۋلتەتىنىڭ دومبىرا ماماندىعى بويىنشا جانە 2005 جىلى قوسىمشا ديريجەرلاۋ ماماندىقتارىنا وقۋعا ءتۇسىپ, ۇزدىك بىتىرگەن. 2009 جىلى قۇرمانعازى اتىنداعى قازاق ۇلتتىق كونسەرۆاتورياسىنىڭ ماگيستراتۋرا عىلىمي-پەداگوگيكالىق باعىتىندا 6م040500-ديريجەرلاۋ ماماندىعى بويىنشا كونكۋرس نەگىزىندە مەملەكەتتىك گرانتىنا يە بولىپ, 2011 جىلى ونەرتانۋ ماگيسترى اكادەميالىق دارەجەسىن الادى.
2009-2013 جىلدار ارالىعىندا اتالمىش وقۋ ورنىندا وقىتۋشى قىزمەتىمەن قاتار, ستۋدەنتتىك ۇلت اسپاپتارى وركەستىرىنىڭ كوركەمدىك جەتەكشىسى جانە باس ديريجەرى قىزمەتىن اتقارادى. 2013 جىلدىڭ كىركۇيەگىنەن باستاپ قۇرمانعازى اتىنداعى قازاق مەملەكەتتىك اكادەميالىق حالىق اسپاپتارى وركەسترىنىڭ باس ديريجەرى قىزمەتىن اتقارعان. «دارىن» مەملەكەتتىك جاستار سىيلىعىنىڭ يەگەرى.