جامبىل وبلىسىندا ەلىمىزدىڭ يندۋستريالدى-يننوۆاتسيالىق دامۋىنىڭ ەكىنشى بەسجىلدىعى 2015-2019 جىلدارعا ارنالعان مەملەكەتتىك باعدارلاماسى اياسىندا كاسىپكەرلىكتى قولداۋ كارتاسى بويىنشا جالپى قۇنى 584,2 ميلليارد تەڭگەنى قۇرايتىن 42 ينۆەستيتسيالىق جوبانى جۇزەگە اسىرۋ كوزدەلىپ وتىر.
وبلىستىق كاسىپكەرلىك جانە يندۋستريالدى-يننوۆاتسيالىق دامىتۋ باسقارماسىنىڭ باسشىسى ارنۇر مۇحامەتجانوۆتىڭ ايتۋىنشا, بۇگىنگە دەيىن اتالعان جوبانىڭ 23 جوباسى ناقتى ىسكە اسىرىلىپ ۇلگەرگەن. اتالعان جوبالار 39,9 ميلليارد تەڭگەنى قۇرايدى. سونىمەن قاتار, ەكىنشى بەسجىلدىق كولەمىندە قاراستىرىلعان جوبالار تولىعىمەن ىسكە قوسىلعان جاعدايدا 6 مىڭنان استام جاڭا جۇمىس ورنى اشىلاتىن بولادى.
جامبىل وڭىرىندە بۇگىندە 60578 شاعىن جانە ورتا كاسىپكەرلىك نىساندارى جۇمىس ىستەيدى. سونداي-اق, ولاردا جۇمىسپەن قامتىلعاندار سانى 127 659 ادامعا جەتىپ وتىر. «ەسەپتى كەزەڭدە وبلىستىڭ ونەركاسىپ كاسىپورىندارى كۇشىمەن 133,3 ميلليارد تەڭگەنىڭ ءونىمى وندىرىلگەن. بۇل تۇرعىدا اۋماقتىق كەسىمدە ونەركاسىپ ءوندىرىسىنىڭ كولەمى وتكەن جىلعا قاراعاندا بارلىق اۋدانداردا, مىسالى, بايزاق اۋدانىندا 115,7, جامبىلدا 106,6, جۋالىدا 103,8, قوردايدا 116,7, ت.رىسقۇلوۆتا 105,3, مەركىدە 125,4, مويىنقۇمدا 109,6, سارىسۋدا 105,8, تالاستا 108,8 جانە شۋ اۋدانىندا 100,1 پايىزعا ارتىپ وتىر», دەيدى باسقارما باسشىسى.
حاميت ەسامان, «ەگەمەن قازاقستان»
جامبىل وبلىسى