سەمەيگە قازاقستان جازۋشىلار وداعىنىڭ توراعاسى, اقىن ۇلىقبەك ەسداۋلەت ارنايى كەلىپ «پوەزيا مارافونى» شاراسىنا قاتىستى. شارا اياسىندا ۇلىقبەك ەسداۋلەت سەمەي قالاسىنىڭ اكىمى ەرماك ءسالىموۆتىڭ قابىلداۋىندا بولىپ, قازىردە ءوزى باسقارىپ وتىرعان جازۋشىلار وداعىنىڭ حال-جايىمەن تانىستىردى.
– بۇگىندە وداق قۇرامىندا 800-دەي جازۋشى بار, – دەدى ۇلىقبەك ەسداۋلەت. – مۇنىڭ 500-دەيى زەينەتكەر. جازۋشىلار وداعىنىڭ سەمەي قالالىق فيليالىن ۇزاق جىلدار بويى ابايتانۋشى توكەن يبراگيموۆ باسقاردى. ەندى مىنە, كوپشىلىكتىڭ ۇسىنىسىمەن فيليال جەتەكشىلىگىنە جاس اقىن مەرەي قارتوۆتى بەكىتىپ وتىرمىز.
جيىنعا بەلگىلى قالامگەر مەدەۋ سارسەكە, جازۋشىلار وداعىنىڭ شىعىس قازاقستان وبلىستىق فيليالىنىڭ جەتەكشىسى, اقىن الىبەك قاڭتارباەۆ, قوعام قايراتكەرى ءتۇسىپحان تۇسىپبەكوۆ, ابايدىڭ مەملەكەتتىك قورىق-مۋزەيىنىڭ ديرەكتورى بولات جۇنىسبەكوۆ, اقىن تىنىشتىقبەك ابدىكاكىم قاتىستى. الداعى ۋاقىتتا سەمەيدەگى جازۋشىلار وداعىنىڭ بولىمىنە ارنايى جۇمىس كابينەتى بەرىلىپ, بارلىق كەرەك-جاراعىمەن قامتىلاتىن بولدى.
راۋشان نۇعمانبەك,
جۋرناليست
سەمەي