بيىل جازعى دەمالىستا قىزىلوردا وبلىسىنىڭ ءبىلىم بەرۋ مەكەمەلەرىندەگى 1-10 سىنىپتاعى بارلىعى 136200 وقۋشى وبلىستىق جانە رەسپۋبليكالىق جازعى تىنىعۋ لاگەرلەرىندە, سپورت كلۋبتارى مەن ۇيىرمەلەرىندە دەمالادى.
بۇگىن وبلىس اكىمى قىرىمبەك كوشەرباەۆ «سىرداريا» لاگەرىنە بارىپ, دەمالىپ جاتقان بالالارمەن كەزدەستى. مۇندا 499 جەتكىنشەك جازعى دەمالىسىن وتكىزۋدە.
ايماق باسشىسى بالالارعا جاقسى دەمالىس تىلەپ, سىيلىقتار تابىستادى.
«دەنساۋلىقتارىڭدى نىعايتىپ, جاڭا دوس تابۋعا جانە جاقسى دەمالىستان كەيىن قايتادان وقۋعا كىرىسۋلەرىڭىزگە تىلەكتەسپىن», - دەدى ايماق باسشىسى.
«سىرداريا» لاگەرىندە ءتۇرلى تانىمدىق جانە سپورتتىق ۇيىرمەلەر ۇيىمداستىرىلعان, بالالار ءۇشىن ەكسكۋرسيا وتكىزۋ قاراستىرىلعان.
اتاپ وتەيىك, 2017-2018 وقۋ جىلى قىزىلوردا وبلىسىندا 136 استام وقۋشى, نەمەسە جالپى وقۋشىلار سانىنىڭ 97 پايىزى, جازعى دەمالىسپەن قامتىلاتىن بولادى. ونىڭ ىشىندە 9 جازعى تىنىعۋ لاگەرلەرى 7 اۋىسىمدا دەمالۋشىلاردى قابىلداسا, 111200 بالا مەكتەپ جانىنداعى جازعى لاگەرلەرگە بارماق.
ودان بولەك, وقۋشىلار ءۇشىن ايماقتىڭ كورىكتى جەرلەرىنە ەكسكۋرسيا مەن ءتۇرلى سپورتتىق-تانىمدىق سەكتسيالار جانە ۇيىرمەلەردىڭ جۇمىسى ۇيىمداستىرىلادى.